މީސްތަކުންނަށް މިހާރު ކުރިމަތިވެފައިވާ އެންމެ ބޮޑު އެއް މައްސަލައަކީ ތިމާއަށް ހެޔޮކޮށް ހިތާ މީހަކަށް ނޫނީ، ނުވަތަ ތިމާއާއި ރުހޭ މީހަކަށް ނޫނީ އެހީތެރިވެދޭން ބޭނުން ނުވާ ކަމެވެ. އެއީ މީސްތަކުން އަމިއްލައަށް ނެރެގެން އުޅޭ ގޮތެކެވެ. އެއީ ޢަމަލުކުރަން އަހުރެމެންނަށް ﷲ ތަޢާލާ އަންގަވާފައިވާ ގޮތެއް ނޫނެވެ. 
ﷲ ތަޢާލާ އަންގަވާފައިވަނީ މީސްތަކުންނަށް ހެޔޮކޮށް ހިތުމަށެވެ. ތިމާއަށް ރުހި ތާއީދުކުރާ މީހުންނަށް ހެޔޮކޮށް ހިތުމަކަށް ނޫނެވެ. އެންމެންނަށް ހެޔޮކޮށް ހިތުމަށެވެ. ޙާޖަތެއް ޖެހިފައިވާ އެންމެންގެ ބޭނުންތައްވެސް ފުއްދައިދެވެން އޮތްވަރަށް ފުއްދައިދިނުމަށެވެ. 
މިމައްސަލަ ބޮޑުވަމުން އައިސް ގިނަ ޢާއިލާތަކުގެ ތެރޭގައިވެސް މި މައްސަލަ ވަކިހިއްޕާލައިފިއެވެ. ހެޔޮކޮށް ހިތަން ބޭނުންވަނީ ތިމާއަށް ހެޔޮކޮށް ހިތާ މީހަކަށެވެ. ތިމާއަށް ރުހި ތާއީދުކުރާ މީހުންނަށެވެ. ތިމާ ކޮންމެ ފަދަ ނުބައި ކަމެއް ކުރިނަމަވެސް ތިމާގެ ކޮޅުގައި ތިބޭ މީހުންނަށެވެ. 
މިއީ ވަރަށް ދެރަ ކަމެކެވެ. މުސްލިމުންގެ ގޮތަކަށްވާންޖެހޭނީ އަނެކާ ތިމާއާއިމެދު ކަންކުރާ ގޮތް ﷲ ތަޢާލާގެ ޙަމްރަތަށް ވަކީލްކޮށް އޭނާއަށް ކަމެއް ޖެހޭ ހިނދު އެހީތެރިވެދިނުމެވެ. ހިތުގައި ބާއްވާށެވެ! "އަހުރެން މިކަން މިކުރަނީ ﷲ ތަޢާލާއަށް ކިޔަމަންތެރިކަން އަދާކުރުމަށެވެ. އެކަން ކުރަން ތިމާއަށް ﷲ ތަޢާލާ އަންގަވާފައިވާތީއެވެ." އެއިރުން ﷲ ތަޢާލާގެ ޙަޟްރަތުގައި ތިބާގެ ދަރަޖަ އުފުލިގެންދާނެ މިންވަރު ތިބާއަށް ނުވެސް އެނގޭނެއެވެ. އެހައި ަމތިވެރިވާނެއެވެ. އިން ޝާ ﷲ 
ތިމާއަށް ރުހި، ހެޔޮކޮށް ހިތާ މީހުންނަށް އެކަނި ހެޔޮކޮށް ހިތާނަމަ އެދެވެނީ ﷲ ތަޢާލާގެ ރުހިވޮޑިގަތުން ލިބުމާ ދުރަށެވެ. ގާތަށްދާންބޭނުންވާނަމަ މިބުނި މަގުން ޢަމަލުކުރާށެވެ!
 
- އިސްލާމީ ތިލަފަތުގެ ދަރުސަކުން