ޑޮލަރުގެ ދަތިކަށް ބޮޑުވެފައިވާ އެއް ސަބަބަކީ 2 މިލިއަން ޑޮލަރަށް ނިންމޭ ހިޔާ ފްލެޓް ލިފްޓުތައް، 18މިލިއަން ޑޮލަރަށް ހަރުކޮށް، އެ ޑޮލަރު ރާއްޖެއިން ބޭރުކޮށް ޗައިނާއަށް ފޮނުވުމުން ކަމަށް ފިނޭންސް މިނިސްޓްރީގެ އިސް ފަރާތެއް ދިޔަވަރު ނޫހަށް ހާމަ ކޮށްފިއެވެ.
2 މިލިއަން ޑޮލަރަށް ލިފްޓްތައް ގެނެސް ހަރުކުރެވޭނެ ކަމަށާއި، ނަމަވެސް، ރައީސް މުއިއްޒަށް ޗައިނާ ކުންފުނި މެދުވެރިކޮށް ރިޝްވަރުގެ ގޮތުގައި ބޮޑު އަދަދެއް ނެގުމަށް ޓަކައި، 16 މިލިއަން ޑޮލަރު ބޮޑުކޮށް މި މަޝްރޫޢު ޗައިނާ ކުންފުންޏަށް ދިނީ ކަމަށް އޭނާ ހާމަ ކުރިއެވެ.
ރައީސް މުއިއްޒު ވަނީ މުޅި ސަރުކާރުގެ ނިޒާމުގެ ތެރޭގައި ވައްކަން ކުރުން މޫ ލައްވާފައެވެ. ސަރުކާރުގެ އެންމެ އިސް ފަރާތް އެކަމުގައި މަސްއޫލުވެގެން ވައްކަމާއި ދޮގު ހެދުން، މި ވަރަށް ކުރިއަށް ގެންދާ ރައީސް އެއް ދުނިޔޭގެ ތާރީޚުގައި މި ފަހުގެ ތާރީޚެއްގައި ފެނިފައި ނުވެއެވެ.
އެކަމިނުފާނުވަނީ ދާދި ފަހުން އެމަނިކުފާނަށް ދިވެހިރައްޔިތުން ކައްޒާބު ކިޔާ މައްސަލާގައި ކެބިނެޓް މެމްބަރުންނާއި ދިމާލަށް ހިތްހަމަ ނުޖެހިގެން “ބާރަށް ވާހަކަ ދައްކާފައެވެ. “ފޮޅާ” ލާފައެވެ.