މަހުޖަނު ގާސިމް އިބްރާހީމްގެޖުމްހޫރީ ޕާޓީ (ޖޭޕީ) ގެ މެނިފެސްޓޯގައި ހިމަނާނީ އެ ޕާޓީގެ ވެރިކަމުގެ ފަސް އަހަރު ދުވަހުގެ ތެރޭގައި ހަގީގަތަކަށް ހެދޭނެ ކަންކަން ކަމަށް އެ ޕާޓީގެ ރިޔާސީ ކެންޑިޑޭޓް ގާސިމް އިބްރާހިމް ވިދާޅުވެއްޖެ އެވެ.
އޭނާ ވިދާޅުވީ "ނުކުރެވޭފަ ދަ ވައުދުތައްވެ، ރައްޔިތުންނަށް ހުވަފެން ދެއްކުމަކީ ކުރާނެ ކަމެއް ނޫން" ކަމަށެވެ،
ރައްޔިތުންގެ މަޖިލީހުގެ މާމިގިލީ ދާއިރާގެ މެމްބަރުކަން ވެސް ކުރައްވާ ޖޭޕީގެ ލީޑަރު ގާސިމް ވިދާޅުވީ މި އަހަރު ބާއްވާ ރިޔާސީ އިންތިހާބުގައި ވާދަ ކުރައްވާ ބޭފުޅުންގެ ތެރޭގައި ޤައުމަށް ޚިދުމަތް ކުރުމާއި ރައްޔިތުންނަށް އަޅާލައި އޯގާތެރިވުމުގެ ރޮނގުން ވެސް އޭނާ އާ ކައިރި ކުރެވޭ މިންވަރަށް ކަންކަން ކޮށްދެއްވާފައިވާ ބޭފުޅަކު ނެތްކަ މަށެވެ.
ގާސިމް ވިދާޅުވީ ދިރިއުުމަށް ބެލި ނަމަވެސް ކަން ކުރެވިފައި ވަނީ ކާކަށްކަން ވަރަށް ސާފުކޮށް އެނގޭނެ ކަމަށެވެ. އެގޮތުން ރާއްޖޭގެ ރައީސް ކަމަށް ކުރިމަތިލައްވަނީ ގައުމަށާއި، ރައްޔިތުންނަށް ހެޔޮ އެދިގެން ކަމަށް އޭނާ ވިދާޅުވި އެވެ.
ޖޭޕީން ބުނީ އެ ޕާޓީގެ މެނިފެސްޓޯ ވެގެން ދާނީ ރާއްޖޭގައި މިހާތަނަށް އެކުލަވައިލެވޭ އެންމެ ފުރިހަމަ މެނިފެސްޓޯ އަށް ކަމަށެވެ. އަދި އެ މެނިފެސްޓޯ އަކީ ހުވަފެނީ ދުނިޔެ އިން ރައްޔިތުން ނެރެ، ހަގީގީ މާނައިގައި ހެޔޮ ގޮތްތައް ހޯދައި ދޭނެ މެނިފެސްޓޯއެއް ކަމަށް ވެސް އެ ޕާޓީން ބުންޏެވެ.
ޖޭޕީގެ މެނިފެސްޓޯ އެކުލަވާލަނީ ފަންނީ މާހިރުންގެ ޓީމަކުން ކަމަށް ވެސް އެ ޕާޓީން ބުންޏެވެ. އެގޮތުން މިހާރު ޑްރާފްޓް ކޮށްފައިވާ މެނިފެސްޓޯ އާ ބެހޭ ގޮތުން މަޝްވަރާ ކުރުމަށް އެ ޕާޓީން ވަނީ މި މަހުގެ 7-8 އަށް ޕެރަޑައިސް އައިލެންޑް ރިސޯޓްގައި މަސައްކަތު ބައްދަލުވުމެއް ވެސް ބާއްވަިފއ އެވެ.
އެ ބައްދަލުވުމުގައި ޕާޓީގެ ކައުންސިލްގެ ބައެއް މެމްބަރުންނާއި، ޕޮލިޓިކަލް ސްލޮޓްތަކުގައި ތިއްބެވި ބައެއް ބޭފުޅުންނާއި، ޖޭޕީގެ ބައެއް ޢާއްމު މެމްބަރުންގެ އިތުރުން ތަޢުލީމީ ގޮތުން ޤާބިލް، ތަޖުރިބާކާރު ބޭފުޅުން ބައިވެރިވެ ވަޑައިގެންނެވި އެވެ.
ޖޭޕީގެ މެނިފެސްޓޯ އެކުލަވާލަން އިތުރު ބައްދަލުވުންތަކެއް ބާއްވަން ހަމަޖައްސާފައިވާ ކަމަށް ވެސް އެޕާޓިން ބުންޏެވެ.