ޒަހަމްތަކެއް ހުރި މީހަކު ސެނަހިޔާ ހޮސްޕިޓަލް ކައިރިން މިއަދު ފެނިއްޖެ އެވެ.
ވީ ކިހިނެއް؟ - ފުލުހުން މިއަދު މީޑިއާތަކަށް ފޮނުވި މެސެޖެއްގައި ބުނީ އެ މައްސަލަ މިއަދު ހެނދުނު ފުލުހުންނަށް ރިޕޯޓްކޮށްފައިވާ ކަމަށެވެ.
ތަފްސީލް - ޒަހަމްތަކަކާ އެކު ފެނުނީ ދިވެހި ފިރިހެނެއް ކަމަށް ފުލުހުން ބުންޏެވެ.
ނަމަވެސް، އިތުރު ތަފްސީލް ހާމަނުކޮށް ފުލުހުން ބުނީ އެ މައްސަލަ ތަހުގީގްކުރަމުންދާ ކަމަށެވެ. އެ މީހާއަށް ލިބިފައިވާ ޒަހަމްތަކުގެ ތަފްސީލެއް އަދި ލިބުނު ގޮތެއް ވެސް ހާމައެއް ނުކުރެ އެވެ.
ގުޅުންހުރި - މިދިޔަ އާދިއްތަ ދުވަހު އަމީނީ މަގުން، ގިޔާސުއްދީން ސްކޫލް ކުރިމަތީގައި ހުރި ގެއެއްގެ ބެލްކަނިން ބިއްލޫރިގަނޑެއް ވެއްޓި ފުލުހަކު ވެސް ވަނީ ޒަހަމްވެފަ އެވެ.