މިހާރު ޑެއިލީ އެރައިވަލްސް ހުރި ގޮތުން ކުރިއަށް އޮތް ދެ ދުވަހެއްގެ ތެރޭގައި ދެ މިލިއަން ހަމަވުމުގެ ފުރުސަތު އެބައޮތެވެ.
މި އަހަރުގެ ޓޫރިޒަމް ޓާގެޓް ކަމަށްވާ ދެ މިލިއަން ޓޫރިސްޓުން ހަމަވާން ބޭނުންވާ ޓޫރިސްޓުންގެ އަދަދު 30،000 އަށްވުރެ ދަށްވެފައިވާއިރު ޓޫރިޒަމް ނުވަ ޕަސެންޓުގެ ކުރިއެރުމެއް ހޯދައިފި އެވެ. 
ޓޫރިޒަމް މިނިސްޓްރީން މިމަހުގެ 22 ވަނަ ދުވަހުގެ ނިޔަލަށް ނެރުނު ތަފާސް ހިސާބުތައް ދައްކާ ގޮތުން މިހާތަނަށް ރާއްޖެ އައި ޓޫރިސްޓުންގެ އަދަދު ވަނީ 1.9 މިލިއަން ފަހަނަ އަޅާ ގޮސްފަ އެވެ. މިހާރު މި އަހަރުގެ ޓޫރިޒަމް ޓާގެޓް ނަމްބަރު ހަމަކުރަން ބާކީ ބޭނުންވަނީ 30،000 އަށްވުރެ މަދު އަދަދެކެވެ. 
ހިސާބުތައް ދައްކާ ގޮތުގައި މިހާރު ޑެއިލީ އެރައިވަލްސް ބޮޑުތަން އުފުލިފައިވާތީ ކުރިއަށް އޮތް ދެ ދުވަހެއްގެ ތެރޭގައި ދެ މިލިއަން ހަމަވާނެ ކަމަށް ބެލެވެ އެވެ. އެންމެފަހުން އިއްޔެވެސް ރާއްޖެ އަށް އެއް ދުވަހެއްގެ މައްޗަށް ވަނީ 8،500 އަށްވުރެ ގިނަ ޓޫރިސްޓުން އައިސްފަ އެވެ. 
ޓޫރިޒަމްގެ މައިގަނޑު މާކެޓުތައް ކަމަށްވާ ޗައިނާއިން ވެސް މި އަހަރުގެ މިހާތަނަށް 260,940 ޓޫރިސްޓުން ވަނީ އައިސްފަ އެވެ. އަދި ރަޝިއާއިން އައި ޓޫރިސްޓުންގެ އަދަދު ވަނީ 216,092 އަށް އިތުރުވެފަ އެވެ. އަދި ޔޫކޭއިންވެސް މިހާތަނަށް 173,939 ޓޫރިސްޓުން އައިސްފައިވެ އެވެ. މިދިޔަ އަހަރުގެ އެއްވަނަ މާކެޓު ކަމަށްވާ އިންޑިއާއިން މިހާތަނަށް  126,055 ޓޫރިސްޓުން އައިސްފައިވާ ކަމަށް ދައްކަ އެވެ. 
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ