ފަލަސްތީނަށް ބޭނުންވާ އިންސާނީ އެހީ ފޯރުކޮށް ދިނުމާ ގުޅޭ ގޮތުން އ.ދ. އާއި ބައިނަލްއަޤްވާމީ ޖަމުޢިއްޔާތަކާއި އެހެން ޤައުމުތަކުން ކުރިއަށްގެންދާ ހަރަކާތްތަކާ ގުޅިގެން އިސްރާއިލުން އުފުލަން ޖެހޭ ޒިންމާތަކާ ބެހޭ ގޮތުން އިންޓަނޭޝަނަލް ކޯޓް އޮފް ޖަސްޓިސްގެ އިސްތިޝާރީ ލަފައަކަށް އ.ދ.ގެ އާންމު މަޖިލީހުން ފާސްކުރި ޤަރާރަށް ރާއްޖެއިން މަރުހަބާ ކިޔައިފި އެވެ.
މި ޤަރާރު މި މަހުގެ 19 ވަނަ ދުވަހު ހުށަހެޅީ ނޯވޭ ގެ އިސްނެގުމާއެކު، އެހެން ޤައުމުތައް ހިމެނޭ ގްރޫޕަކުންނެވެ.
ރާއްޖެއިން ޤަރާރު ކޯ-ސްޕޮންސަކޮށްފައިވާ އިރު، މި ޤަރާރު ފާސްކޮށްފައި ވަނީ ރާއްޖެ ހިމެނޭހެން 137 މެމްބަރު ޤައުމުގެ ވޯޓާއެކުގަ އެވެ.
ފޮރިން މިނިސްޓްރީން ބުނީ މިއީ އ.ދ. އާއި ބައިނަލްއަޤްވާމީ ޖަމުޢިއްޔާތަކާއި އެހެން ޤައުމުތަކުން ފަލަސްތީނުގެ ރައްޔިތުންނަށް އެހީތެރިކަން ފޯރުކޮ ށްދިނުމަށް ކުރަމުން އަންނަ މަސައްކަތްތައް ދަމަހައްޓަން އެޅޭ މުހިންމު ފިޔަވަޅެކެވެ.
ގަރާރަށް ލިބިފައިވާ ތާއީދަކީ، 1967 ވަނަ އަހަރުގެ ކުރިން އޮތް އިންތަކުގެ މައްޗަށް ބިނާކޮށް ފަލަސްޠީނުގެ މިނިވަން އަދި ސިޔާދަތީ ދައުލަތެއް ޤާއިމުކުރުމަށް ކުރެވެމުން އަންނަ މަސައްކަތަށް ލިބިގެންދާ ބާރެއް ކަމަށް ރާއްޖެ އިން ގަބޫލު ކުރާ މިނިސްޓްރީން ބުންޏެެވެ.