މުއިއްޒު ވެރިކަމަށް އެރިގޮތަށް ރައްޔިތުންނަށް ހިތިބޭސް ބޯން ޖައްސާ ރައްޔިތުން މަގުމަތިކޮށްފައި މުއިއްޒު ކަނީ ކަލިޔާބިރިންޖިއެވެ. މުއިއްޒުގެ ޝެހެންޝާހުކަން ބޮޑުވެ އާއްމު ރައްޔިތުނަށް ތަކުލީފަކަށް ނުވާއެއްކަމެއް މުއިއްޒު ނުކުރެއެވެ. މުއިއްޒުގެ ޝަހީ ދިރިއުޅުމަށްޓަކާ ކަތިވަނީ އާއްމު ރައްޔިތުންނެވެ. އިގިރޭސި ރަދުން ޗާލްސާއި ބުރޫނާއީ މަލިކު ހަސަނުލްބުލްގިޔާއާއި ގަތަރުގެ އަމީރުގެ ހައިބަވެތިކަމުގައި މުއިއްޒު ބެހެއްޓުމަށްޓަކާ ދިވެހީންގެ ރާއްޖޭގައި ދިވެހީން ދޮޅިއެޅެނީއެވެ.      
މުއިއްޒުގެ ހައިބަތަށްޓަކާ ނަމެއްގައި އެންމެނަށް އާސަންދަ ދެމުން ކޮންމެ މީހަކުވެސް ސިއްހަތަށް ހޭދަކުރުމަކީ އެމީހެއްގެ އަމިއްލަ ކަމަކަށް ހަދައިފިއެވެ. ކުރިން އާސަންދައިން ކަވަރުކުރި އެތައް ހިދުމަތަކާ ބޭހެއް މިހާރަކު އާސަންދައަކުން ކަވަރެއް ނުކުރެއެވެ. ލިބޭ މަދު އާމްދަނީ ކޮޅުން ބޮޑު ހޭދައެއް ސިއްހަތަށް ކުރަން މަޖުބޫރު ކުރުވައިފިއެވެ. 
ކަރަންޓާއި ފެނުގެ ސަބްސިޑީ ކަނޑާލާ ހިދުމަތުގެ އަގުދެގުނަ ބޮޑުކޮށް ލިބޭ މަދު ޢަމްދަނީން ބޮޑު ހޭދައެއް ފެނާއި ކަރަންޓަށް ހޭދަކުރަން މަޖުބޫރު ކުރުވައިފިއެވެ. ކާދާއި ތެލަށްދޭ ސަބްސިޑީ ކަނޑާލަން އެވަނީ ތައްޔާރުވެފައެވެ. މަސްވެރިން ބާނާ މަސްގަންނަ އަގު ވައްޓާލާ މަސްވެރިކަަމުން ލިބޭ އެއްޗަކުން ދެކޮޅުޖައްސައިގެން މަހަށްފުރާ ނޫޅެވޭ ވަރުކޮށްލައިފިއެވެ. މަހުގެ އަގު ވައްޓާލީ ވައްޓާލީނުން ތެލަށްކަނޑާ މަސްވެރިޔާ ގެއަށް ގެންދާނެ އެއްޗެއް ނުއޮންނަވަރު ކޮށްލައިފިއެވެ. 
ބަޖެޓަށް ފައިސާ ހޯދަން ސިނގިރޭޓްގެ ޑިއުޓީ ބޮޑުކޮށް ސިނގިރޭޓެއްގެ އަގު 15ރ އަށް ހަދާ ސިނގިރޭޓް ނޫން އެއްޗެއް ދުންފަތުގެ އިސްތިއުމާލުގެ ގޮތުގައި ބޭނުން ނުކުރެވޭ ގޮތް ހަދާ ހުރިހާ އާއިލާއެއްގެ ހަމަޖެހުން ނަގާލައިފިއެވެ. ދުންފަތުގެ ދެވީންނަށް ވައްކަމާއި ފޭރުމާއި ލޫޓުވުމާއި މާރާމާރީއާއި ގެވެށިއަނިޔާއަށް ދައުވަތު ދީފިއެވެ. 
އިންފްލޭޝަން ބޮޑުވެ ތަކެތީގެ އަގުމަތިވެ ދިރިއުޅެން މަޖުބޫރު އެއްޗެއްވެސް ނުގަނެވޭ ވަރަށް މީސްމީހުންގެ އަތްމަތި ދަތިކޮށްފިއެވެ. ކަންމަތީ ފިހާރަ ތަކުގެ ވިޔާފާރިދަށްވެ ދަރާވިކި ހުއްޓާލަން ޖައްސަނީއެވެ. ރަނގަޅަށް ހިނގަ ހިގާހުރި ފާމަސީތަކާއި ކްލިނިކްތައް ދެކޮޅުނުޖެހި ދަރަނިވެރިވެ ތަޅުއަޅުވާން ޖެހިއްޖެއެވެ. ޓެކްސްތައް ބޮޑުކޮށް ގެސްޓް ހައުސް ވިޔަފާރިތައް ދަރަނިވެރިކޮށް ބަނގުރޫޓް ކޮށްލަނީއެވެ. ދައުލަތުގެ މުސާރަވެރިންގެ ގިނަ ބައެއްގެ މުސާރައިން 10 އިންސައްތަ ކަނޑާލާ ދިރިއުޅުން ދަތިކޮށްފިއެވެ.