ރައްޔިތުންގެ މަޖިލީހުގެ ދިއްގަރު ދާއިރާގެ މެންބަރު އަހްމަދު ފާރިސް މައުމޫން ޖަލުގައި ހުންނެވީ ގައިރު ގާނޫނީ ބަންދެއްގައިކަމަށާ އޭނާ ވަގުތުން މިނިވަން ކުރުމަށް ޖުމްހޫރީ ޕާޓީގެ ލީޑަރު ގާސިމް އިބްރާހިމް ގޮވާލައްވައިފިއެވެ.
ގާސިމް އިބްރާހިމް މިކަމަށް ގޮވާލެއްވީ އެމަނިކުފާނު މިއަދު ކުރައްވާފައިވާ ޓްވީޓެއްގައެވެ.
ގާސިމް ވިދާޅުވީ އެމަނިކުފާނު ގަބޫލްކުރައްވާގޮތުގައި ފާރިސް މައުމޫން ޖަލުގައި ހުންނެވީ ގައިރު ގާނޫނީ ބަންދެއްގައެވެ.
އަދި ފާރިސް ޖަލަށްލެވިފައިވަނީ ކޮރަޕްޝަނާއި، ވައްކަމާއި، ނާއިންސާފަށް ނޫނެކޭ ވިދާޅުވުމުންކަމަށްވެސް ގާސިމް ވިދާޅުވިއެވެ. ގާސިމް ވިދާޅުވީ ގައިރު ގާނޫނީ ބަންދެއްގައި 6 މަސްދުވަހު ފާރިސް މައުމޫން ޖަލުގައި ހޭދަކުރައްވައިފިކަމަށާ އެހެންކަމުން މިހާރުން މިހާރަށް ފާރިސް މިނިވަންކުރުމަށް ގޮވާލައްވާކަމަށެވެ.