ދިވެހި ރައްޔިތުންގެ ޕާޓީ (ޑީއާރްޕީ) ގެ ދަރަންޏަށް ކުރީގެ ރައީސް މައުމޫން އަބްދުލްގައްޔޫމް ޒިންމާ ކުރުވަން އެމަނިކުފާނު ގޮވައިގެން ކޯޓަށް ދިއުމަށް ޑީއާރްޕީން ނިންމައިފިއެވެ.
ޑީއާރްޕީން މިއަދު ބުނީ ރައީސް މައުމޫންގެ ލީޑަޝިޕްގައި އެ ޕާޓީ ވަނީ ބޮޑު ތަނުން ދަރަނިވެރިކޮށް އެ ބިލުތަކުގެ ފައިސާ ނުދައްކާ ޕާޓީގެ އޭރުގެ މެމްބަރުންގެ ބޮލުގައި ދަރަނި އަޅުވާފައި ކަމަށާއި އޭރުގެ ދަރަނިތަކުގެ ބިލްތައް މިއަދުވެސް އަންނާތީ އެ ދަރަންޏަށް ޒިންމާވުމަށް ރައީސް މައުމޫންގެ މައްޗަށް ދައުވާކުރަން ޕާޓީގެ ކައުންސިލުން ނިންމާފައިވާ ކަމަށެވެ.
ebeyfulhaage machchah dhauvaa kuran #DRP ge Council in ninmaifi. Adhi mimassala ah gotheah nimendhen mihurihaa dharani dhekkun madu jassaalanves council ge iththifaagun vanee ninmaifaa. Adhi mifadha beyfulhun #MRM ge namugai party hadhaa, misarukaaruge coalitiongai 2/3
— DRP (@drpmaldives) October 13, 2020
އަދި މި މައްސަލަ އާއި މެދު ގޮތެއް ނިމެންދެން މި ހުރިހާ ދަރަނި ދެއްކުން މަޑުޖައްސާލަން ވެސް ކައުންސިލުގެ އިއްތިފާގުން ނިންމާފައިވާ ކަމަށް ޑީއާރްޕީން ބުނެއެވެ. އަދި މިފަދަ ބޭފުޅުން އެމްއާރްއެމްގެ ނަމުގައި ޕާޓީ ހަދާ، މި ސަރުކާރު ކޯލިޝަނުގައި ބައިވެރިކޮށްގެން އުޅޭ އުޅުން ކުށްވެރިކުރާ ކަމަށްވެސް ޑީއާރްޕީން ބުނެފައިވެއެވެ.
ޑީއާރްޕީ އަކީ ރައީސް މައުމޫން އުފެއްދެވި ޕާޓީއެކެވެ. 2008 ވަނަ އަހަރުގެ ރިޔާސީ އިންތިޚާބުން ބަލިވުމާއި ގުޅިގެން އުފެދުނު މައްސަލަތަކުގައި އެމަނިކުފާނު ވަނީ ޕާޓީއާ ދުރަށް ޖެހިވަޑައިގެންފައެވެ.