ރާއްޖޭގެ ގިނަ ރައްޔިތުން ވޯޓުލުމުގެ ހައްގު ހޯދަން އުޅުމަކީ ކަންބޮޑުވާންޖެހޭ ކަމެއް ނޫންކަމަށް އެމްޑީޕީން ބުނެފި އެވެ.
އެމްޑީޕީން މިހެން ބުނެފައިވަނީ، ރިޔާސީ އިންތިހާބުގެ ދެވަނަބުރުގައި ވޯޓުލުމަށް ގިނައަދަދެއްގެ ބަޔަކު ރީރަޖިސްޓްރީކޮށްފައިވާތީ އިދިކޮޅު ޕީއެންސީން ކަންބޮޑުވުން ފާޅުކޮށްފައިވާ ދަނޑިވަޅެއްގައެވެ.
އެމްޑީޕީގެ ތަރުޖަމާނު އަނަސް އަބްދުއްސައްތާރު ވިދާޅުވީ، ވީހާވެސް ގިނަ ރައްޔިތުން ވޯޓުލުމުގެ ހައްގު ބޭނުން ކުރަން މަސައްކަތް ކުރުމަކީ އިންތިޚާބުގައި ވާދަކުރާ ކެންޑިޑޭޓުން ކަންބޮޑުވާން ޖެހޭ ކަމެއް ނޫން ކަމަށެވެ. އަދި އެއީ ހިތްވަރުދީ، އެ ހައްގުގެ ބޭނުން ހިފާތީ އުފާ ކުރަންވީ ވަރުގެ ކަމެއް ކަމަށް އޭނާ ވިދާޅުވިއެވެ.
ޕީއެންސީގެ ކެންޑިޑޭޓް ޑރ. މުހައްމަދު މުއިއްޒު މިއަދު ވިދާޅުވީ، ރިރަޖިސްޓްރޭޝަނަށް ހުޅުވާލި ފުރުސަތުގައި ދެދުވަހުން 25000 އަށްވުރެ ގިނަ ފޯމް ރީރަޖިސްޓަރ ކުރުމަށް ހުށަހަޅާފައިވުމުން ސުވާލު އުފެދޭ ކަމަށެވެ. ސިޔާސީ ޕާޓީތަކާއި، ބައިނަލްއަގުވާމީ މޮނީޓަރުންނާއި އޮބްޒާވަރުން އެކަން ބެލުމަށްވެސް މުއިއްޒު ވަނީ ގޮވާލާފައެވެ.
އިލެކްޝަންސް ކޮމިޝަނުން މިއަދު އާއްމުކުރި މައުލޫމާތަށް ބަލާއިރު، ދެ ދުވަސްތެރޭ 25،493 މީހަކުވަނީ ރީރަޖިސްޓަރުކުރަން އެދި ހުށަހަޅާފައެވެ.
 
Your email address will not be published. Required fields are marked *
Comment *
Name
Email
Website
© 2023 Gaafu Media Group Pvt Ltd. All rights reserved.