ބުރާސްފަތި ދުވަހުގެ ރޭ ދަ ފްރޮންޓު އޮފީހުގައި ކުރިއަށް ދިޔަ ޓައުން ހޯލު ޖަލްސާގައި ރައީސް ޔާމީން ވިދާޅުވީ އެމަނިކުފާނު ހިސާބު އަކުރުން ދޮގެއް ހަދާފައި އޮތް ނަމަ ހެއްކާ އެކު އެކަން ދެއްކުމަށް ދަންނަވާ ކަމަށެވެ. އަދި ގައުމުގެ އިގްތިސޯދީ ހާލަތު އަމާން ނަމަ ފިނޭންސުން ގައުމުގެ ހިސާބުތައް ހާމަކުރުން ހުއްޓާލާފައިވަނީ ކިއްވެތޯއާ ރައީސް މުހައްމަދު މުއިއްޒު ގައުމުގެ ހަރު މުދާ ވިއްކަނީ ކީއްވެތޯ ރައީސް ޔާމީން ވަނީ ސުވާލު ކުރައްވާފައެވެ.
ސަރުކާރުން ވަނީ ކޮންމެ ހަފްތާއަކު އާންމު ކުރާ އިޤްތިޞާދީ ރިޕޯޓް ތައް ހާމަ ކުރުން ހުއްޓާލާފައެވެ، މި ރިޕޯޓްތައް ހާމަ ކުރަމުންދާތާ 15 ވަރަކަށް އަހަރު ވެފައިވާއިރު، މުއިއްޒުގެ ސަރުކާރުގައު ނޫނީ ފައިނޭންޝިއަލް ރިޕޯޓްތައް މިހެން ފޮރުވާފައެއް ނުވެއެވެ.
އިގްތިސޯދު ރަގަޅު ނަމަ ހަރު މުދާ ވިއްކަނީ ކީއްވެތޯ، ސަރުކާރުގެ ހިސާބުތައް ހާމަކުރުން ހުއްޓާލީ ކީއްވެތޯ، މުސާރަ ދޭން ލޯން ނަގަނީ ކީއްވެތޯ؟ ބޭންކުން 600 މިލިއަން ޑޮލަރުގެ ލޯނެއް ނެގި. މިކަން ރެފިއުޓެއް ނުކުރެވޭނެ ޑިނައި އެއް ނުކުރެވޭނެ. އިގްތިސޯދީ ހާލަތު ރަގަޅުނަމަ ފިޗުގެ ރޭޓިން ވެއްޓުނީ ކިއްވެ؟ ގައުމުގެ ހަރު މުދާ ވިއްކަނީ ކީއްވެތޯ؟ އައިއެމްއެފާ ވޯލްޑް ބޭންކުންވެސް ހަދަނީ ދޮގުތޯ؟ އަމީރެކޭ މީ މީހުންނެކޭ ކޮބާ ތަފާތަކީ؟ އެހެންވިމަ އެ ބޭފުޅުން ހިސާބު އަކުރުން މިކަންކަމަަށް ޖަވާބު ދައްކަވާ.
ރައީސް ޔާމީން ވިދާޅުވިއެވެ.
ރައީސް ޔާމީން ވަނީ މިހާރު ގައުމުގެ ހާލަތު އޮތް ގޮތް އެއްވެސް އޮޅުވާލުމެއް ނެތި ސަރުކާރުން ރައްޔިތުންނަށް ކިޔައިދޭން ޖެހޭ ކަމަށް ވިދާޅުވެފައެވެ. އެއީ ސަރުކާރުން އިގްތިސޯދު އިތުރު ކުރަން ނިކަމެތި މީހާ އަތުން ނަގާ ޓެކްސްވެސް ބޮޑުކުރަން ނިންމާފައިވާތީ ކަމަށް ވެސް ރައީސް ޔާމީން ވަނީ ވިދާޅުވެފައެވެ.
ރައީސް ޔާމީން ބާއްވަމުންދާ ޖަލްސާތައް ގިނަ ބަޔަކު ދަނީ ބަލަމުންނެވެ. އަދި އެމަނިކުފާނުގެ މަގުބޫލުކަން ދަނީ މި ޖަލްސާތަކާއި އެކު އިތުރަށް އިތުރު ވަމުންނެވެ.