މަކުނުދޫ  ކައިރިން ހިފެހެއްޓި ލަންކާގެ މަސްބޯޓުން އަތުލައިގަތް 1 ބިލިއަން ރުފިޔާގެ ބަސްތުވާތަކެތީގެ މައްސަލައިގައި ހައްޔަރުކުރި ފަސް މީހުންގެ ބަންދަށް 30 ދުވަހުގެ މުއްދަތެއް ޖަހައިފިއެވެ.
އެމީހުން ހިމެނޭ ލަންކާގެ މަސްބޯޓު އަތުލައިގަތީ މަކުނުދޫ ކައިރިން މިދިޔަ ނޮވެމްބަރުމަހުގެ 23 ވަނަ ދުވަހުގެ ދަންވަރުގެ ވަގުތެއްގައެވެ. އެމްއެންޑިއެފް ކޯސްޓުގާޑުން އެ ބޯޓު ފާސްކުރިއިރު، 468.6 ކިލޯގެ މަސްތުވާތަކެތި ފެނިފައި ވެއެވެ.
މި މައްސަލާގައި އެންމެފުރަތަމަ ލަންކާއަށް ނިސްބަތްވާ ފަސް މީހުންނަށް ބަންދުގެ މުއްދަތު ޖެހީ ކުޅުދުއްފުށީ މެޖިސްޓްރޭޓް ކޯޓުންނެވެ. އެފަހަރު ބަންދުގެ މުއްދަތު ޖަހާފައިވަނީ 30 ދުވަހަށެވެ. ލަންކާގެ މަސްބޯޓުން 
Advertisement
ލަންކާގެ މަސްބޯޓުން އަތުލައިގަތް މަސްތުވާތަކެތި
ސްރީލަންކާގެ އަށެންފުތަ ނަމަކަށް ކިޔާ އެ މަސްބޯޓުގައި 468.6 ކިލޯގެ މަސްތުވާތަކެތި ހުރިއިރު، އޭގެ ތެރޭގައި 344 ކިލޯގެ ކްރިސްޓަލް މެތްގެ އިތުރުން 124.7 ކިލޯގެ ހެރޮއިން ހިމެނޭކަމަށް ފުލުހުން ވަނީ ބުނެފައެވެ. މަސްތުވާތަކެތީގެ މި މައްސަލައާ ގުޅިގެން ކޮމިޝަނަރ އޮފް ޕޮލިސް އަލީ ޝުޖާޢު އޭރު ވިދާޅުވީ، މިކަމުގައި ދިވެއްސެއްގެ ބައިވެރިވުން އޮތްކަން އަދި ސާފުނުވާކަމަށެވެ.