ރާއްޖޭގައި ބޭއްވޭ އެންމެ ބޮޑު ގޭމިން ފެސްޓިވަލް – “އުރީދޫ ނޭޝަން ގޭމާސް ލޭންޑް 2024” އަންނަ ފެބްރުއަރީ މަހުގެ 21 އަދި 22 ވަނަ ދުވަހު ބޭއްވުމަށް ހަމަޖެހިފައިވާކަން އުރީދޫއިން ބުނެފިއެވެ.
މި ގޭމިންގް ފެސްޓިވަލުގައި މި އަހަރު އުރީދޫ ނޭޝަން ގެ ކޮންޓެންޑާ ސީރީޒް ތަކުގައި ވާދަކޮށް ޗެމްޕިއަންކަން ހޯދާފައިވާ އެންމެ މޮޅު ގޭމަރުންނާއި ޓީމުތަކުން ޖުމްލަ 100،000 ރުފިޔާގެ އިނާމަށް ވާދަކުރާނެކަމަށް އުރީދޫއިން ވަނީ ބުނެފައެވެ.
އުރީދޫ ނޭޝަން ގޭމާސް ލޭންޑް ގެ އަލްޓިމޭޓް ގޭމިންގް ފެސްޓިވަލްގައި ކުޅިންތެރިން ވާދުކުރާ ގޭމްތަކުގެ ތެރޭގައި ހިމެނެނީ:
– ޕަބްޖީ މޮބައިލް ޗެމްޕިއަންޝިޕް
– އީ.އޭ.އެފް.ސީ ޗެމްޕިއަންޝިޕް
– މޮބައިލް ލެޖެންޑްސް: ބޭންގް ބޭންގް ޗެމްޕިއަންޝިޕް
ފޯރިގަދަ މި މުބާރާތްތަކުގެ އިތުރުން އުރީދޫ ނޭޝަން ގޭމާސް ލޭންޑް އެވޯޑް 2024 ގައި “އަލްޓިމޭޓް ޕްލޭޔަ އޮފް ދަ އިޔާ” – އެންމެ މޮޅު ކުޅުންތެރިޔާގެ ގެ އެވާޑް މިފަހަރު ހޮވުމަށް ހަމަޖެހިފައިވާކަމަށް އުރީދޫ އިން ވަނީ ބުނެފައެވެ. މި ޝަރަފުވެރި އެވޯޑަކީ 2024 ވަނަ އަހަރުގެ ތެރޭގައި އުރީދޫ ނޭޝަން ގެ މުބާރާތްތަކުގައި ވާދަކުރި ފަރާތްތަކުގެ ތެރެއިން އެންމެ މޮޅު ކުޅުމަކާއި ހުނަރު ދައްކުވައިދީފައިވާ ގޭމަރުގެ އަގު ވަޒަންކުރުމުގެ ގޮތުން ދެވޭ އެވޯޑެއްކަމަށް އުރީދޫ އިން ވަނީ ބުނެފައެވެ.
މީގެ އިތުރުން އުރީދޫ އިން ބުނީ ޝަރުތު ހަމަވާ ކުޅުންތެރިން އިވެލުއޭޓް ކުރަނީ އުރީދޫ ނޭޝަން ގެ ޖަޖުން ގެ ޕެނަލާއި އާންމުންގެ ވޯޓުން ކަމަށެވެ. މި އެވޯޑަށް ހޮވޭ ފަރާތްތަކަށް ލިބޭ ޖަޖުންގެ ސްކޯ އާއި ޕަބްލިކް ސްކޯ އާއި އެކު އެންމެ މަތިން މާކްސް ލިބޭ ކުޅުންތެރިއަކަށް އުރީދޫ ނޭޝަންގެ އެންމެ މޮޅު ކުޅުންތެރިޔާގެ ޝަރަފު ލިބިގެންދާނެއެވެ.
– ޖަޖުންގެ ސްކޯ: ފައިނަލް ސްކޯގެ 60 ޕަސެންޓް
– އާންމުންގެ އެސްއެމްއެސް ވޯޓް: ފައިނަލް ސްކޯގެ 40 ޕަސެންޓް
އުރީދޫ އިން ބުނީ އަލްޓިމޭޓް ގޭމިން ފެސްޓިވަލް 2024 ރޭވިފައިވަނީ ގޭމް ކުޅޭ ފަރާތްތަކަށާއި ސަޕޯޓަރުންނަށް ވެސް އުފާވެރި، މަޖާ އަދި ފޯރިގަދަ އިވެންޓެއްގޮތުގައި ކަަމަށެވެ. އަދި މަޖާ ހަރަކާތްތަކާއި، ގޭމިން ސެޓަޕްތަކާއި އެކު މި ފެސްޓިވަލަކީ ރާއްޖޭގެ ގޭމިން ކޮމިއުނިޓީ ގޭމިންގް މާހައުލަކުން ބައްދަލުވެ އުފާވެރި ވަގުތުކޮޅެއް ހޭދަކުރެވޭނެ އިވެންޓެއް ކަމަށް އުރީދޫ އިން ވަނީ ބުނެފައެވެ.
މި ފެސްޓިވަލަކީ ހުނަރުވެރިކަމާއި، އިނޮވޭޝަނާއި، ގޭމިންއަށް އޮތް ލޯބި ފާހަގަކޮށް ރާއްޖޭގެ ގޭމަރުންނަށް އިތުރު ފުރުސަތުތައް ފަހިކޮށްދޭނެ ފެސްޓިވަލެއް ކަމަށް އުރީދޫ އިން ވަނީ ބުނެފައެވެ. މި ގޭމިންގް ފެސްޓިވަލް ގައި ބައިވެރިވުމަށް އުރީދޫ ނޭޝަން އިން ހުރިހާ ގޭމަރުންނަށާއި ގޭމު ކުޅުމަށް ޝައުގުވެރިކަން ހުންނަ ހުރިހާ ފަރާތްތަކަށް އުރީދޫ އިން ވަނީ ދައުވަތުދީފައެވެ.