ޓްރީ ޓޮޕް ހޮސްޕިޓަލުން ބޭއްވި ހިތާނީ ކޭމްޕް ކާމިޔާބުކަމާ އެކު ނިންމާލައިފި އެވެ.
ވީ ކިހިނެއް؟ - މިދިޔަ މަހު 20 އިން މި މަހު 9އަށް ކުރިއަށް ގެންދިޔަ މި ކޭމްޕްގައި 120 ކުދިންނަށް ހިދުމަތް ފޯރުކޮށްދިނެވެ.
މިއީ ރާއްޖޭގައި މިހާތަނަށް ބޭއްވި އެންމެ ބޮޑު ހިތާނީ ކޭމްޕްތަކުގެ ތެރެއިން އެއް ކޭމްޕެވެ.
ތަފްސީލް - އާސަންދައިގެ ދަށުން ދިން މި ހިދުމަތުގެ ޕެކޭޖްގެ އަގަކީ 5،500ރ. އެވެ. މީގެ ތެރޭގައި ހިމެނުނީ:
ސާޖަރީ 
ބޭސް 
ޓެސްޓްތައް 
ފޮލޯއަޕް ބައްދަލުވުންތައް
ކުޑަކުދިންނަށް ފަސޭހަ މާހައުލެއް ގާއިމުކުރުމަށްޓަކައި ކޭމްޕްގައި ބައިވެރިވި ހުރިހާ ކުދިންނަށް ހަނދާނީ ހަދިޔާ ދިނެވެ. މީގެ އިތުރުން، ބޭނުންވާ ފަރާތްތަކަށް އިތުރު ފީއަކާ އެކު ރޫމް އަޕްގްރޭޑް ކުރުމުގެ ފުރުސަތު ވެސް ދެވުނެވެ.
ބުނީ ކީކޭ؟ - "ކުދިންނަށް ވީހާ ވެސް ފަސޭހަ އަދި ރައްކާތެރި މާހައުލެއް ހޯދައިދިނުމަށް އަޅުގަނޑުމެން ވަރަށް ބޮޑު އިސްކަމެއް ދިނިން،" ހޮސްޕިޓަލުގެ ޕޭޝަންޓް ކެއާ މެނޭޖަރު ވިދާޅުވި އެވެ.
ކޭމްޕްގައި ބައިވެރިވި ގިނަ ބެލެނިވެރިން ހިދުމަތުގެ ފެންވަރާ މެދު ހިތްހަމަޖެހޭ ކަމަށް ބުންޏެވެ.
"ވަރަށް ރަނގަޅު ހިދުމަތެއް ލިބުނު. ޑޮކްޓަރުންނާއި ނަރުހުން ވަރަށް ގާތުން އަޅާލައި ބެލެހެއްޓި،" ކޭމްޕްގައި ބައިވެރިވި ކުއްޖެއްގެ މަންމަ ބުންޏެވެ.
ކުރިއަށް އޮތް ދުވަސްތަކުގައި އިތުރު ހިތާނީ ކޭމްޕުތައް ވެސް ބާއްވާނެ ކަމަށް ޓްރީ ޓޮޕުން ބުންޏެވެ.
ފާހަގަކޮށްލެވޭ - ޓްރީ ޓޮޕް ހޮސްޕިޓަލަކީ ރާއްޖޭގެ ސިއްހީ ހިދުމަތުގެ ދާއިރާގައި އިސް ދައުރެއް އަދާކުރަމުން އަންނަ ހޮސްޕިޓަލެކެވެ. އެ ހޮސްޕިޓަލުގެ މައިގަނޑު އަމާޒަކީ:
އާ އުސޫލުތަކާއި ހިދުމަތްތައް ތައާރަފުކޮށް، ދިވެހިން ބޭރު ގައުމުތަކަށް ސިއްހީ ފަރުވާ ހޯދަން ދާންޖެހޭ ސަބަބު މަދުކޮށް، ސިއްހީ ހިދުމަތުގެ ހަރަދުތައް ކުޑަކުރުން
އެންމެ ޒަމާނީ ޓެކްނޮލޮޖީ އާއި ފުރިހަމަ ލެބޯޓަރީ ހިދުމަތްތައް ފޯރުކޮށްދިނުން 
ޓްރީ ޓޮޕް ހޮސްޕިޓަލުގެ ތަޖުރިބާކާރު ޑޮކްޓަރުންގެ އަމާޒަކީ ދިވެހިންނަށް ގިނަގުނަ ސިއްހީ ހިދުމަތްތަކެއް ފޯރުކޮށްދިނުން