މޯލްޑިވްސް އިންލެންޑް ރެވެނިއު އޮތޯރިޓީ (މީރާ)ގެ އަހަރީ ދުވަހާ ގުޅުވައިގެން މިއަދު ހުޅުމާލޭގައި ކުޑަކުދިންގެ ހަވީރެއް ބާއްވަން ނިންމައިފި އެވެ.
މީރާއިން ބުނީ "ތިކުދިންގެ ހަވީރު"ގެ ނަމުގައި މިހަރަކާތް ކުރިއަށްދާނީ މިއަދު ހަވީރު ހުޅުމާލޭގެ ސެންޓްރަލް ޕާކް ކަމަށެވެ.
މީރާ އިން ބުނީ އެ މުއައްސަސާއާ އެކު ދައުލަތުގެ މިނިވަން މުއައްސަސާތަކާއި ސަރުކާރުގެ ބައެއް ކުންފުނިތައް ވެސް ބައިވެރިވެގެން ބާއްވާ މި ހަވީރުގައި 28 ސްޓޯލް އާއި 80 އަށް ވުރެ ގިނަ ހަރަކާތްތައް ކުރިއަށް ގެންދިއުމަށް ނިންމާފައިވާ ކަމަށެވެ. މީގެތެރޭގައި ކުޑަކުދިންނާ ގުޅޭ ތައުލީމީ ހަރަކާތްތަކާއި ކުޅިވަރާއި މުނިފޫހި ފިލުވުމުގެ އައިޓަމްތައް ހިމެނޭ ކަމަށްވެސް މީރާއިން މައުލޫމާތުދެ އެވެ.
މީރާގެ ހަތްވަނަ އަހަރީ ދުވަހާ ގުޅިގެން މިއަހަރު ކުރިއަށް ގެންދިޔަ "ޓެކްސް ވީކް"ގައި ޓެކްސް ދައްކާ ފަރާތްތަކަށާއި އާއްމުންނަށް އަމާޒުކޮށް ބޭއްވި "އޯޕަން ޑޭ" ގެ އިތުރުން މީރާގެ މުވައްޒަފުންނާއި އާންމު ބައެއް ފަރާތްތަކުގެ ލޭ ހަދިޔާ ކުރުމުގެ ކޭމްޕެއް ވެސް ވަނީ މިދިޔަ ހަފްތާގެ ތެރޭގައި ވަނީ ކުރިއަށް ގެންގޮސްފަ އެވެ،