ކުރީގެ ރައީސް މައުމޫން އަބުދުލްގައްޔޫމް، އެމަނިކުފާނުގެ އަނބިކަނބަލުން ނަސްރީނާ އިބްރާހިމްގެ ހިތްވަރަށް ވަރަށް ބޮޑަށް ތައުރީފުކުރައްވައިފިއެވެ.
ރައީސް މައުމޫން ވަނީ އަނބިކަނބަލުން ނަސްރީނާ އިބްރާހިމަށް ޚާއްސަކޮށް ލޯބީގެ ވަރަށް އަސަރުގަދަ މެސެޖެއް ޓްވިޓާގައި ހިއްސާކުރައްވާފައެވެ.
އެ މެސެޖްގައި ރައީސް މައުމޫން ވަނީ އަނބިކަނބަލުން ނަސްރީނާ އިބްރާހިމްގެ ހިތްވަރަށް ތައުރީފުކުރައްވާފައެވެ. އަދި އެއީ ވަފާތެރިކަމުގައި ދެވަނައެއްނެތް ބޭފުޅެއްކަމުގައި ވިދާޅުވެފައިވެއެވެ. ރައީސް މައުމޫން ވަނީ އެމަނިކުފާނުގެ އަނބިކަނބަލުންނަކީ އެންމެ ގާތް އެކުވެރިޔާގެ ގޮތުގައި ސިފަކުރައްވާފައެވެ.
ކަމަނާގެ ވަފާތެރިކަމަށް ނިމުމެއް ނެތް. ލޯބީގައި ރީތި އެތައް ކަމެއް ހިމެނޭ. ލޯބިވާ އަނބިކަނބަލުން، އެންމެ ގާތް އެކުވެރިޔާ، ތިޔަ ލޮބުވެތި ނިއުމަތަށްޓަކައި ﷲ އަށް ޝުކުރު ކުރަން،" ރައީސް މައުމޫންގެ ޓްވީޓްގައި ވިދާޅުވެފައިވެއެވެ.