ރެސްޓޯރަންޓްތަކުގައި ޝީޝާ ބުއިމާއި، ދުންފަތުގެ އެއްވެސް އަމަލެއް ހިންގުން ސަރުކާރުން މަނާ ކޮށްފިއެވެ. މިކަން މިގޮތަށް ނިންމާފައިވަނީ ރައީސް މުއިއްޒު އަންގައިގެން ހެލްތް މިނިސްޓްރީގެ ޓޮބޭކޯ ބޯޑުންނެވެ.
ސަރުކާރުން މިކަން ކޮށްފައިވަނީ، ސަރުކާރުގެ އަމަލުތަކުން، ސިނގިރެޓް ބުއިމަށް މަޖުބޫރުކޮށް، ބިޑި ހެދުން މަނާ ކުރުމުން ކުރިމަތިވި ފާޑު ކިޔުންތަކަށް ދިން ރައްދެއް ގޮތުގައެވެ. ސަރުކާރުން ދައްކަން ބޭނުންވަނީ ސަރުކާރުން ބިޑި ހެދުން މަނާ ކޮށްފައިވަނީ ރައްޔިތުންގެ ސިއްޙީ މަންފާއަށްޓަކައި ކަމަށެވެ.
ނަމަވެސް ޙަޤީގަތަކީ މިކަމަކީ ސިނގިރެޓުން ލިބޭ ޑިޔުޓީ އިން ސަރުކާރުގެ މާލިއްޔަތަށް ވަންނާނެ ކަމަށް ލަފާ ކުރާ އަދަދު ޔަގީނުންވެސް ދައުލަތުގެ ބަޖެޓަށް ހޯދުމުގެ ނުބައި ނިޔަތުގައި މުއިއްޒު ކުރާ މަކަރުވެރި އަމަލެއް ކަމެއްކަމެވެ. ބަޖެޓް ފޮތުގައި ވަނީ ސިނގިރެޓުގެ އަގު ބޮޑު ކޮށްފައިވަނީ އާމްދަނީ އިތުރު ކުރުމަށް ކަމަށެވެ. ނަމަވެސް އޭރުވެސް ރައްޔިތުންނަށް އޮޅުވާލުމަށް ބުނަމުން ދިޔައީ މިއީ ރައްޔިތުންގެ ސިއްހަތަށްޓަކައި ސަރުކާރުން ކުރާ ކަމެއް ކަމުގައެވެ. ރައީސް މުއިއްޒު އަކީ ރާއްޖޭގެ ތާރީޚު ދުށް އެންމެ ދޮގުވެރި ވެރިޔާއެވެ. އޭނާގެ ރައްޔިތުންގެ މައްޗަށް ވަމުންދާ ދޮގުތައް އެތައް ހާހަކަށް މިހާރު ވަނީ އަރާފައެވެ.
ސަރުކާރުގެ ދައުރަކީ މައިން ބަފައިންގެ ދައުރެއް ނޫނެވެ. އަދި އާންމު ރައްޔިތުންނަކީ 15 އަހަރު ނުވާ ކުޑަ ކުދިންނެއް ނޫނެވެ.ސަރުކާރަށް ސިނގިރޭޓުން ލިބޭ ޑިޔުޓީ ހޯދުމަށް ރައްޔިތުން “ފެލާލެވެން” ހުރި ހުރިހާ މަގެއް ސަރުކާރުން ދަނީ ބަންދު ކުރަމުންނެވެ.