ޕަބްލިކް ސާވިސް މީޑިއާ (ޕީއެސްއެމް)ގެ ޗެއާޕާސަން ކަމަށް، ލޯކަލް ގަވަމެންޓް މިނިސްޓްރީގެ ޑެޕިއުޓީ މިނިސްޓަރު އާމިނަތު ނަމްޒާ މިއަދު އައްޔަންކޮށްފި އެވެ.ޕްރައިވަޓައިޒޭޝަން ބޯޑުން ބުނީ ޕީއެސްއެމްގެ ބޯޑާއި ޗެއާޕާސަންގެ މަގާމަށް، ޕްރެޒެންޓަރު ނަމްޒާ ހަމަޖައްސާފައިވާ ކަމަށެވެ. ނަމްޒާ ހުންނަވަނީ ލޯކަލް ގަވަމަންޓުގެ ޑެޕިއުޓީ މިނިސްޓަރަކަށެވެ. މި ސަރުކާރުގެ ޑެޕިއުޓީ މިނިސްޓަރުކަން ކުރެއްވުމުގެ ކުރިން، ކުރީގެ ރައީސް އަބްދުﷲ ޔާމީން އަބްދުލްގައްޔޫމްގެ ސަރުކާރުގައި އެޑިއުކޭޝަން މިނިސްޓްރީގެ ފޮރިން ރިލޭޝަންސް ހެޑްގެ މަގާމު ފުރުއްވިއެވެ. އޭނާއަކީ ދައުލަތުގެ މީޑިއާގައި ޕްރެޒެންޓަރެއްގެ ގޮތުގައި ވެސް ދިގު މުއްދަތަކަށް ޚިދުމަތް ކުރައްވާފައިވާ ބޭފުޅެކެވެ.