ވިލިމާލޭ މޫދުން އޮޔާ ކަނޑަށް ދަމައިގަތް މީހަކު އެމްޓީސީސީ ފެރީއަކުން މިއަދު ސަލާމަތްކޮށްފި އެވެ.
ވީ ކިހިނެއް؟ - އެނގިފައިވާ ގޮތުގައި އެ ހާދިސާ ހިނގީ މިއަދު މެންދުރުފަހުގެ ވަގުތެއްގައި ވިލިމާލެ ވޯޓަ ސްޕޯޓްސް ބީޗު ފަޅިންނެވެ.
ބުނީ ކީކޭ؟ - ފުލުހުން ބުނީ އެ ހާދިސާގެ ރިޕޯޓު ލިބުނީ މިއަދު މެންދުރު ފަހު 3:55 ހާއިރު ކަމަށާއި އޮޔާ ދިޔަ މީހާ އެމްޓީސީސީ ފެރީއަކަށް ނަގައި، ސަލާމަތްކޮށްފައިވާ ކަމަށެވެ. އެއީ ކޮން ޖިންސެއްގެ މީހެއް ކަމެއް ފުލުހުން ނުބުނެ އެވެ.
"އެ މީހާއަށް ފަރުވާ ދިނުމަށް ފަހު އިތުރު ފަރުވާއަށް މާލެ ވަނީ ގެންގޮސްފައި. މީހާ ސްޓޭބަލް ކަމަށް ހޮސްޕިޓަލުން ފުލުހުންނަށް ވަނީ މައުލޫމާތު ދީފައި،" ފުލުހުން ބުންޏެވެ.
އެއީ ދިވެއްސެއްކަމެއް ނުވަތަ ބިދޭސީއެއް ކަމެއް ވެސް ފުލުހުން ހާމަކޮށްފައެއް ނުވެ އެވެ. އެކަމަކު ސޯޝަލް މީޑިއާގައި ބައެއް ފަރާތްތަކުން ބުނީ އެއީ ޓޫރިސްޓެއް ކަމަށެވެ.