ކުރިއަށް އޮތް ރައްޔިތުންގެ މަޖިލީހުގެ ހިތަދޫ އުތުރު ދާއިރާގެ ބައި-އިލެކްޝަންގައި ވޯޓުލުމަށް ރަޖިސްޓަރީ ކުރެވިފައިވާ ފޮށީގެ މައުލޫމާތު ހިމެނޭ ރަޖިސްޓަރީ އިލެކްޝަންސް ކޮމިޝަނުން (އީސީ) އާންމުކޮށް ރަޖިސްޓަރީއާ ގުޅިގެން ޝަކުވާ ހުށަހެޅުމުގެ ފުރުސަތު ހުޅުވާލައިފިއެވެ.
އިލެކްޝަންސް ކޮމިޝަނުން މިއަދު ކުރި އިއުލާނެއްގައި ބުނެފައިވަނީ، އަންނަ ޖޫން މަހުގެ 6 ވާ ހޮނިހިރު ދުވަހު ބޭއްވުމަށް ހަމަޖެހިފައިވާ މި ބައި-އިލެކްޝަންގެ ވޯޓާސް ރަޖިސްޓަރީއަށް ޝަކުވާ ހުށަހެޅުމުގެ މުއްދަތު ހަމަވާނީ މޭ 21 ވާ ބުރާސްފަތި ދުވަހުގެ މެންދުރުފަހު 1:30 އަށެވެ. ޝަކުވާ ބަލައިގަންނަން ފަށާނީ މޭ 20 ވާ ބުދަ ދުވަހުގެ ހެނދުނު 10:00 އިން ފެށިގެންނެވެ.
ރަޖިސްޓަރީ ޗެކްކުރާނެ ގޮތް:
އީސީން ބުނީ މި މުއްދަތުގެ ތެރޭގައި ހުށަހެޅޭނީ ހަމައެކަނި ވޯޓުލާން ރަޖިސްޓަރީކޮށްފައިވާ ފޮށީގެ މައުލޫމާތާ ގުޅޭ ޝަކުވާތައް އެކަނި ކަމަށެވެ. އަދި ޝަކުވާ ހުށަހަޅަން ބޭނުންވާ ފަރާތްތަކުން ޝަކުވާ ހުށަހަޅަންޖެހޭނީ އޮންލައިންކޮށް، ކޮމިޝަނުގެ މައިޕޯޓަލް މެދުވެރިކޮށް ކަމަށެވެ.