އެމެރިކާގައި މިއަހަރު އޮންނަ ރިޔާސީ އިންތިޚާބު ފެށިގެން ހިނގައިގަތް ތަނުން ޕެންސިލްވޭނިއާގެ ބައެއް ހިސާބުތަކުގައި ވޯޓުލާ މެޝިންތަކުގެ ޚިދުމަތް މެދުކެނޑި، ވޯޓުލުން ހުއްޓިޖެ އެވެ.
ޕެންސިލްވޭނިއާ އިލެކްޝަން ބޯޑުން މިހާރު ވަނީ ވަގުތު އިތުރުކުރަން ކޯޓު އަމުރަކަށް އެދިފަ އެވެ. އިލެކްޝަން ކޮމިޝަނާ ހަވާލާދީ ސީއެންއެން ބުނި ގޮތުން ވޯޓުލާ މެޝިންތަކަށް ދިމާވީ ސޮފްޓްވެއާ މައްސަލަ އެކެވެ.
ވޯޓުމެޝިންތަކަށް ދިމާވި ސޮފްޓްވެއާ މައްސަލަތަކާ ގުޅިގެން، ވޯޓުލުން ނުހުއްޓޭނެ ކަމަށް އިލެކްޝަން ބޯޑުން ބުންޏެވެ. އަދި ވޯޓުލާން ގޮސް ތިބި މީހުން -- ވޯޓުލާން ބޭނުން ނަމަ އެނބުރި ނުދިޔުމަށްވެސް ވަނީ އެދިފަ އެވެ.
އިލެކްޝަން ބޯޑާ ހަވާލާދީފައި ހުރި ޚަބަރުތައް ބުނާ ގޮތުން މި މެޝިންތަކުގައި ބޭނުންކުރާ ސޮފްޓްވެއާ މަރާމާތުކުރަން ކުޅަދާނަ ފަންނުވެރިންގެ ޓީމަކުން މިހާރު ދަނީ މެޝިންތަކަށް ދިމާވި މައްސަލަތައް ރަނގަޅުކުރަމުންނެވެ.
މެޝިންތައް މުޅިން ރަނގަޅު ނުކުރެވިއްޖެ ނަމަ އަދި ކޯޓުން ލަފާދޭ ގޮތަކުން އިތުރު މެޝިންތައް ޖަމާކުރަން ޖެހިދާނެ ކަމަށް ވެސް އިލެކްޝަން ކޮމިޝަނުން ބުންޏެވެ.