އައްޑޫ ސިޓީގެ ފޭދޫ ބަނދަރުގައި އަޅައިފައި އޮތް ޑައިވިން ދޯންޏެއްގައި އަލިފާން ރޯވި ހާދިސާގައި އެކަކު ފިހިއްޖެއެވެ. އެމްއެންޑީއެފުން ބުނީ، ފޭދޫ ބަނދަރު ބޭރުގައި އަޅައިފައި އޮތް ޑައިވިން ދޯންޏެއްގައި އަލިފާން ރޯވެގެން އެމްއެންޑީއެފްގެ ދެކުނު ސަރަހައްދުގެ ކޮމާންޑުގެ ފަޔާ ސްޓޭޝަނުން ހަރަކާތްތެރިވި ކަމަށެވެ. https://sun.mv/ މި ހާދިސާގެ މައުލޫމާތު ލިބުނީ މިއަދު މެންދުރު 1:30 ވަނިކޮށް ކަމަށް، އެމްއެންޑީއެފުން ބުންޏެވެ. އަދި އަލިފާން ނިއްވުމުގެ މަސައްކަތްކުރަމުން ދަނިކޮށް މެންދުރުފަހު 3:30 ހާއިރު ދޯނި އެއްކޮށް އަޑިއަށް ދިޔައީ ކަމަށްވެސް އެމްއެންޑީއެފުން މައުލޫމާތު ދެއެވެ. ޑައިވިން ދޯނީގައި އަލިފާން ރޯވުމުން، ދޯނީގައި ތިބި މީހުން އެރީ ކައިރީގައި އޮތް ސަފާރީއަކަށް ކަމަށް، އެމްއެންޑީއެފުން ބުންޏެވެ. އެމްއެންޑީއެފުން ބުނީ، މި ހާދިސާގައި އެކެއްގެ ފައި ފިހިގެން ފޭދޫގެ ސިއްހީ މަރުކަޒުގައި ފަރުވާ ދިނުމަށްފަހު، މިހާރު ދޫކޮށްލާފައިވާ ކަމަށެވެ.