އައްޑޫ ފޭދޫ ބަނދަރު ބޭރުގައި އަޅާފައި އޮތް ޑައިވިން ދޯނެޏެއްގައި މިއަދު ހިނގި އަލިފާނުގެ ހާދިސާގައި އެކެއްގެ ފައި ފިހިފައިވާ ކަމަށް އެމްއެންޑީއެފް އިން ބުނެފި އެވެ.
ވީ ކިހިނެއް؟ - އެމްއެންޑީއެފް އިން ބުނީ، މި ހާދިސާގެ މައުލޫމާތު ލިބުނީ، މިއަދު މެންދުރު 1:30 ހާއިރު ކަމަށެވެ. އެއާ އެކު، އެމްއެންޑީއެފް ސަދަން އޭރިއާ ކޮމާންޑް، އައްޑޫ ހިތަދޫ ފަޔާ ސްޓޭޝަނުގެ ފަޔަފައިޓަރުން އަލިފާން ނިއްވުމުގައި ހަރަކާތްތެރިވާން ފެށި އެވެ.
ބުނީ ކީކޭ؟ - އެމްއެންޑީއެފް އިން ބުނި ގޮތުގައި، އަލިފާން ނިއްވުމުގެ މަސައްކަތް ކުރަމުން ދަނިކޮށް މިއަދު 3:30 ހާއިރު ދޯނި ވަނީ އަޑިއަށް ގޮސްފަ އެވެ.
އެމްއެންޑީއެފް އިން ބުނި ގޮތުގައި:
ޑައިވިން ދޯނީގައި އަލިފާން ރޯވުމުން ދޯނީގައި ތިބި މީހުން، އެ ދޯނި ކައިރިކޮށްފައި އޮތް ސަފާރީއަށް އަރާފައިވޭ
މި ހާދިސާގައި އެކެއްގެ ފައި ފިހިގެން އައްޑޫ ފޭދޫ ސިއްހީ މަރުކަޒުގައި ފަރުވާދިން؛ އޭނާ މިހާރު ވަނީ ދޫކޮށްލާފައި