ޕޮލިސް ކޮމިޝަނަރު އިސްމާއިލް ނަވީން ހިމެނޭހެން ފުލުހުންގެ އިސް އޮފިސަރުންތަކެއް ސަސްޕެންޑު ކުރުމަށް ރައީސް މުހައްމަދު މުއިއްޒުއަށް ލަފާ ދޭން ރައްޔިތުންގެ މަޖިލީހުގެ މާލިއްޔަތު ކޮމެޓީ އިން މިއަދު ފާސްކޮށްފި އެވެ.
ވީ ކިހިނެއް؟ - އެގޮތަށް ފާސްކޮށްފައިވަނީ މިއަދު ބޭއްވި ކޮމެޓީގެ ސިއްރު ބައްދަލުވުމުގަ އެވެ.
ތަފްސީލް - އެބޭފުޅުން ސަސްޕެންޑް ކުރަން ރައީސްއަށް ލަފާ ދޭން ކޮމިޓީން ނިންމީ ފުލުހުންގެ ވިޔަފާރި ކުންފުނި ޕޮލްކޯގެ ތެރެއިން ހިންގާފައިވާ ހިޔާނާތުގެ މައްސަލަތަކުގައި އެބޭފުޅުން ބައިވެރިވާ ކަމަށް ތުހުމަތު ކުރެވޭތީކަން އެނގިފައިވެ އެވެ.