ޝަކީލް ނިޔާވި އިރު ޢުމުރަކީ 64 އަހަރެވެ. ޝަކީލް ނިޔާވިއިރު ހުންނެވީ އެ އިންސްޓިޓިއުޓްގެ ޑެޕިއުޓީ ޑިރެކްޓަރ ޖެނެރަލްގެ މަޤާމުގައެވެ. އޭނާ ވަނީ އެ އިންސްޓިޓިއުޓަށް 40 އަހަރަށްވުރެ ގިނަ ދުވަހު ޚިދުމަތްކުރައްވާފައެވެ. ޙަސަން ޝަކީލް ކުއްލިއަކަށް ނިޔާވުމާއި ގުޅިގެން މެރިން ރިސާޗް އިންސްޓިޓިއުޓުން ތައުޒިޔާ ދަންނަވާފައިވެއެވެ.
މެރިން ރިސާޗް އިންސްޓިޓިއުޓުން ކުރި ޕޯސްޓުގައިވާ ގޮތުން ޝަކީލަކީ މެރިން ރިސާޗްގެ ދާއިރާއިން މީހުން ބިނާކުރުމަށް ގިނަ މަސައްކަތްތަކެއް ކުރައްވާފައިވާ ބޭފުޅެކެވެ. އޭނާ އަކީ އެތަނަށް އެންމެ ގިނަ ދުވަހު ހިދުމަތްކުރެއްވި ބޭފުޅާ ކަމަށް ބުނެފައިވެއެވެ. ޝަކީލް ނިޔާވުމާއި ގުޅިގެން ފިޝަރީޒް މިނިސްޓްރީން ކުރި ޕޯސްޓެއްގައި ވިދާޅުވީ އެ ވުޒާރާއަށް ގިނަގުނަ ހިދުމަތްތަކެއް ކުރެއްވި ޝަކީލް ދެމިއޮތުމުގެ އާލަމަށް ދަތުރުކުރެއްވި ހަބަރު އެހީ ފުން ހިތާމައާއިއެކުގައި ކަމަށެވެ.
އެ މިނިސްޓްރީގެ ޕޯސްޓްގައި އިތުރަށް ބުނީ ޝަކީލު ވަކިވެވަޑައިގަތުމުގެ ފުން ހިތާމައިގައި ބައިވެރިވާ ކަމަށެވެ.