ޝައިޠޯނާ ވަސްވާސްދީގެން އުފައްދުވާ ވީޑިއޯތަކުން ފެންހައި ގޮތަކަށް ކަންކަން ކުރަން ބޭނުންވަމުންގޮސް އަނިޔާވެރި ގޮތުގައި ދެމަފިރިންގެ ކަންކަން ކުރާމީހުންވެސް އެބައުޅެއެވެ. މިއީ ވަރަށް ދެރަކޮށް ކުރެވޭ ކަމެކެވެ. ޙަދީޘްފުޅުގައި އޮތް ނޫން ގޮތަކަށް ކަންކަން ކުރުވަން ޝައިޠޯނާއަށް ކުރެވުނުހައި ކަމެއް ކުރާނެއެވެ. އެކަމަށް ވިސްނަންވީ އަހުރެމެންނެވެ.  
ކައިވެންޏަށްފަހު އެއްދާންކުރުމަކީ ކޮންމެ ދެމަފިރިއަކުވެސް ކުރަން ބޭނުންވާނޭ ކަމެކެވެ. އެއްދާންކުރުމުގެ ޙައްޤަކީ ދެމަފިރިންނަށްވެސް ލިބިދޭ ޙައްޤެވެ. އެކަކު އަނެކަކަށް އަދާކުރަންޖެހޭ ޙައްޤެކެވެ. ނަމަވެސް އެ ޙައްޤުގެ ބޭނުން ކުރަން އަންގަވާފައިވަނީ ރަޙުމާއި ކުލުނާއިއެކުގައެވެ.  
ނަމަވެސް ބައެއް މީހުންނަށް، ޚާއްޞަކޮށް ބައެއް ފިރިންނަށް އެކަން އޮންނަނީ ވަރަށް ބޮޑަށް އޮޅިފައެވެ. މިޙަދީޘްފުޅު އޮންނަކަން ވަނީ ނުއެނގިފައެވެ. ނުވަތަ ޤަބޫލު ނުކުރެވިފައެވެ. 
نْ عُتْبَةَ بْنِ عَبْدٍ السُّلَمِيِّ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ  
إِذَا أَتَى أَحَدُكُمْ أَهْلَهُ فَلْيَسْتَتِرْ وَلَا يَتَجَرَّدْ تَجَرُّدَ الْعَيْرَيْنِ
1921 سنن ابن ماجة كتاب النكاح باب التستر عند الجماع
339 المحدث السيوطي خلاصة حكم المحدث حسن في الجامع الصغير   
‘Utbah ibn Abdu Sulami reported:
The Messenger of Allah, peace and blessings be upon him, said, “When one of you comes to their spouse for intercourse, let them cover themselves and not approach each other like two wild mules.”
Source: Sunan Ibn Mājah 1921
Grade: Hasan (fair) according to Al-Suyuti 
އަހަރެމެންގެ ދިރިއުޅުމުގައި ބަރަކާތް ލައްވަވާނީ ކޮންމެ ކަމެއްވެސް އެކަމެއް ކުރަން ދީނުގައި އޮތް ގޮތް މަތީން ކުރުމުންނެވެ. މިޙަދީޘްފުޅުން އެނގިގެން މިދަނީ އެއްދާންކުރުމުގައިވެސް އަނބިންނަށް އޯގާތެރިވާންޖެހޭނެކަމެވެ. އެކަން ހުށަހަޅަންވާނީ ލޯތްބާއި ކުލުނާއިއެކުގައި ކަމެވެ. ޖަނަވާރުންފަދައިން އަރައިގަތުމެއް ނެތްކަމެވެ.  
މިޙަދީޘްފުޅުގެ ސަރަޙައިގައި އިމާމް އަލްޣަޒާލީ ރަޙިމަހުﷲ ވިދާޅުވެފައިވެއެވެ. އަނބިންނަށް ހުށަހަޅަންވާނީ ހިމާރުން ފަދައިން ނޫންކަމަށް އޮތް ބަސްފުޅުގެ މާނައަކީ ލޯތްބާއި އޯގާތެރި ބަސްތަކާއި ބޮސްދިނުމުން އަނބިންނާއި ގައިގޯޅިވުން ކަމަށެވެ.  
އެކަނބަލުންގެ ޞިއްޙަތަށް ބަލަންޖެހޭނެއެވެ. އަދި ދުވާލުގެ ބުރަ މަސައްކަތަށްފަހު އެކަނބަލުން ނިދާފައި ތިއްބައި ދަންވަރު ގެއަށް ވަދެ ގަދަކަމުން އަރައިގަންނަ އުޞޫލުން ކަންކަން ކުރުމެއް ނެތެވެ. ރޭގަނޑު ތިބާ އުޅޭނެހައި ތަނަކު، ތިބާ ބޭނުންހައި ވަގުތެއް ހޭދަކުރުމަށްފަހު ގެއަށްވަންނައިރަށް ތިބާއަށް މަރުޙަބާ ކިޔަން ހޭލައި ހުންނަން ޖެއްސުވުމަކީ އަނބިނ އަޅުވެތިކުރުން ނޫން އެހެންކަމެއް ނޫނެވެ. ވީމާ މިކަންކަމަށް ވިސްނައިލާށެވެ!
 
- އިސްލާމީ ތިލަފަތުގެ ދަރުސަކުން