އައްޑޫ ސިޓީ، ފޭދޫން މީހަކު ވަގަށް ނަގައިގެން ގެންގުޅުނު އަލަ ގޯންނެއް ހޯދައިފިއެވެ. އައްޑޫ ސިޓީ ފުލުހުން އާއްމުކުރި ގޮތުގައި މިދިޔަ އަންގާރަ ދުވަހު ފުލުހުން ރަށުތެރެ ޕެޓްރޯލް ކުރަމުން ދަނިކޮށް، ވަގަށް ނަގާފައިވާ ކަމަށް ބެލެވޭ އަލަ ގޯންޏެއް ހިފައިގެން އުޅޭ މީހަކު ސ. ފޭދޫއިން ފެނިގެން، އެ މީހާ ވަނީ ހިފަހައްޓައިފައެވެ. އަދި އެ އަލަ ގޯނި ވަނީ އައްޑޫ ސިޓީ، ގަން ޕޮލިހަށް ގެނެވިފައި ކަމަށް ފުލުހުން އިއްޔެ ބުންޏެވެ. މި އަލަ ގޯނީގެ ވެރިފަރާތެއް ވާނަމަ ގަން ޕޮލިސްގެ ނަމްބަރު 125ކަށް ގުޅައި، އެ ތަކެތި ގެންދިޔުމަށް އައްޑޫގެ ފުލުހުން ވަނީ އެދިފައެވެ. ފާހަގަކޮށްލެވޭ ގޮތުގައި އައްޑޫގައި މިފަދަ ކުދި ވައްކަންތައް ވަރަށް އާންމެވެ. https://sun.mv/215750 މީގެ ކުރިން ވަގަށް ނަގާފައިވާ ކެޔޮގަނޑުތަކާއި، ކުރުނބާ އިހާތަކުގެ ވެރި ފަރާތް ހޯދަން ވެސް އެކި ފަހަރު މަތިން އިއުލާނުކުރިއެވެ. އަދި ވަގަށް ނެގި އޭސީއަކާއި، ވޯޓާ ޑިސްޕެންސަރެއްގެ އިތުރުން ދެ ސްޕީކަރު ހޯދަން ވެސް އިއުލާނުކުރިއެވެ. އަދި ފޭދޫއިން ވަގަށް ނެގި ލަވް ބާޑުތަކެއް ހޯދައި، ވެރިފަރާތާ ހަވާލުކޮށްފައިވާ ކަމަށް ވެސް އައްޑޫ ފުލުހުން މީގެ ކުރިން ބުންޏެވެ.