ޖޫން އެކެއްގައި މުޅި މާލެ ސަރަހައްދުން ކަރަންޓް ކެނޑުން: ތަހުގީގަށް މައުލޫމާތު އެއްކޮށްފި

މި އަހަރުގެ ޖޫން ފުރަތަމަ ވަނަ ދުވަހު ގްރޭޓާ މާލެ ސަރަހައްދުން ކަރަންޓް ކެނޑުނު މައްސަލައާ ގުޅިގެން ފުލުހުން ކުރަމުންދާ ތަހުގީގުގެ އިބްތިދާއީ ހޯދުންތަކާއި މައުލޫމާތު އެއްކުރެވިފައިވާ ކަމަށް ފުލުހުން ބުނެފި އެވެ.
ފަހުގެ ތާރީހެއްގައި އެންމެ ގިނަ ވަގުތުތަކަކަށް މާލެ ސަރަހައްދުން ކަރަންޓް ކެނޑުނީ މިދިޔަ ޖޫން މަހުގެ ފުރަތަމަ ދުވަހު އެވެ. މެންދުރު ކަރަންޓް ދިޔަ ގޮތަށް ބައެއް ސަރަހައްދުތަކަށް ކަރަންޓް ލިބުނީ ރޭގަނޑު އެވެ.
މުޅި މާލެއާ ހުޅުމާލެ އިން ކަރަންޓް ކެނޑުމުން އެކަން ހިނގާދިޔަ ގޮތް ބަލަން ބޮޑު ތަހުގީގެއް ހިންގެވުމަށް ރައީސުލްޖުމްހޫރިއްޔާ ވަނީ އަމުރު ކުރައްވާފަ އެވެ.
ފުލުހުން މިއަދު ބުނީ ޖޫން ފުރަތަމަ ވަނަ ދުވަހު ގްރޭޓާ މާލެ ސަރަހައްދުން ކަރަންޓް ކެނޑުނު މައްސަލައާ ގުޅިގެން ފުލުހުން ކުރަމުންދާ ތަހުގީގުގެ އިބްތިދާއީ ހޯދުންތަކާއި މައުލޫމާތު އެއްކުރެވިފައިވާ ކަމަށެވެ. އަދި މި މަޢުލޫމާތައްބަލައި ފުލުހުން މި މައްސަލަ ދަނީ އިތުރަށް ތަހުގީގު ކުރަމުން ކަމަށެވެ.
ތަހުގީގު އެއްކޮށް ނިމުމުން ފާހަގަކުރެވުނު ކަންކަން ހިއްސާ ކުރާނެ ކަމަށް ވެސް ބުންޏެވެ.
އަރުޝީފަށް ނެގީ
އެންމެފަހުން އަޕްޑޭޓްކުރީ