އުރީދޫ މޯލްޑިވްސްއިން ކުރިއަށް ގެންދާ, ކޮންމެ ތިން ދުވަހަކުން ސައިކަލެއް ލިބޭ ޕްރޮމޯޝަން ނިމެން ބާކީ އެއް ދުވަހަށް ވެފައި ވާއިރު، ކަސްޓަމަރުންނަށް އަދިވެސް އިނާމުތައް ހޯދުމުގެ ފުރުސަތު އޮތްކަމަށް އުރީދޫ އިން ބުނެފިއެވެ.
މިދިޔަ ސެޕްޓެމްބަރު މަހުގެ 23އިން ފެށިގެން އުރީދޫއިން ތައާރަފުކޮށް ކުރިއަށް ގެންދާ ޕްރޮމޯޝަނުގައި ކޮންމެ ތިން ދުވަހަކުން އެއް ސައިކަލު ދެމުން އަންނައިރު، މި ޕްރޮމޯޝަން ނިމޭއިރު 30 ސައިކަލު ނަސީބުވެރި ފަރާތްތަކަށް ލިބޭނެކަމަށް އުރީދޫ އިން ވަނީ ބުނެފައެވެ.
އުރީދޫ އިން ބުނީ މާދަމާއަކީ މި ޕްރޮމޯޝަންގެ އެންމެ ފަހު ދުވަސްކަމަށާއި ކަސްޓަމަރުންނަށް އަދިވެސް އިނާމުތައް ހޯދުމުގެ ފުރުސަތު އެބައޮތްކަމަށެވެ. މިމަހުގެ އެންމެ އަގުހުރި އިނާމު ކަމަށްވާ ޕީސީއެކްސް 160 އާއި މުޅި ޕްރޮމޯޝަންގެ ގްރޭންޑް ޕްރައިޒް ކަމަށްވާ، 2024 ރެބެލް 300، ކަޅު ކުލައިގެ ސައިކަލު ހޯދުމަށް ރާއްޖޭގެ އެކި ކަންކޮޅުތަކުގައި ދިރިއުޅޭ އުރީދޫގެ ހުރިހާ ކަސްޓަމަރުންގެ އިތުރުން އަލަށް އުރީދޫއާ ގުޅޭ ކަސްޓަމަރުންނަށް ވެސް ބައިވެރިވެވޭނެ ކަމަށް އުރީދޫއިން ވަނީ ބުނެފައެވެ.
މި ޕްރޮމޯޝަނުގައި ބައިވެރިވުމަށް:
- އުރީދޫ ކަސްޓަމަރެއްނަމަ ފާއިތުވި 30 ދުވަހުގެ ތެރޭގައި 250 ރުފިޔާއަށް ވުރެ މަތިން ބިލް ދައްކާ، ރީޗާޖުކޮށް ނުވަތަ އެޑް އޮން އެއް ބޭނުންކުރުން.
- އުރީދޫއާ އަލަށް ގުޅޭ ކަސްޓަމަރުން ހިދުމަތް ބޭނުންކުރުމަށް 400 ރުފިޔާއިން މަތިން ބިލް ދައްކާ، ރީޗާޖުކޮށް ނުވަތަ އެޑް އޮން އެއް ބޭނުންކުރުން.
- އުރީދޫގެ އެކްޓިވް ކަސްޓަމަރަކަށްވުން. ހިމެނެއެވެ.
މި ޕްރޮމޯޝަނަކީ އުރީދޫގެ 5ޖީ ލިބޭ ކެމްޕެއިންގެ ދަށުން ރާއްޖޭގެ އެކި ކަންކޮޅުތަކުގައި ދިރިއުޅޭ މުޖުތަމައުތަކަށް ހަލުވި ސްޕީޑާއި ލެޓެންސީ ދަށްކޮށް، ކަނެކްޓިވިޓީ އިތުރުކޮށްދޭ އުރީދޫގެ ޒަމާނީ 5ޖީ ޓެކްނޮލޮޖީ ފާހަގަކުރުމުގެ ގޮތުން ކުރިއަށް ގެންދާ ޕްރޮމޯޝަނެކެވެ.