ޖަލުތަކާއި މީހުން ބަންދުކުރާ ތަންތަނުގެ ހާލަތު ބެއްލެވުމަށްޓަކައި ކުރިން އެންގުމަކާ ނުލައި ހޯމް މިނިސްޓަރު މިއަދު އެ ތަންތަނަށް ޒިޔާރަތް ކުރައްވައިފި އެވެ.
ހޯމް މިނިސްޓްރީން ބުނީ ދޫނިދޫގައި މީހުން ބަންދުކޮށްފައި ތިބޭ ތަނަށާއި ހުޅުމާލޭ ޖަލުގެ އިތުރުން މާފުށީ ޖަލާއި ހިންމަފުށީގައި ހުންނަ އައްސޭރި ޖަލަށް ވެސް މިއަދު ހެނދުނު ޒިޔާރަތް ކުރައްވާފައިވާ ކަމަށެވެ.
ހޯމް މިނިސްޓްރީގެ މީޑިއާ ކޯޑިނޭޓަރު ތަޒްމީލް އަބްދުއްސަމަދު ވިދާޅުވީ އުމަރުގެ އެ ދަތުރުފުޅަކީ ކުރިން އެންގުމަކާ ނުލައި ކުރެއްވި "ސަޕްރައިޒް ވިޒިޓެއް" ކަމަށެވެ. އެއީ އެ ތަންތަނުގެ ހާލަތު ބައްލަވައި ލެއްވުމަށްޓަކައި އުމަރު ކުރެއްވި ޒިޔާރަތެއް ކަމަށް ވެސް ތަޒްމީލް ވިދާޅުވި އެވެ.
"އެ ތަންތަނަށް ވަޑައިގެން އޮޕަރޭޝަންސްތައް ހިންގަމުންދާ ގޮތް ބައްލަވައިލައްވާފައިވަނީ،" ތަޒްމީލް ވިދާޅުވި އެވެ.
އެ ދަތުރަށް ފަހު މިއަދު މެންދުރު އުމަރު ވަނީ މާލެ ވަޑައިގެންފަ އެވެ.