ތަފާތު އެކި ކުޅިވަރު ހަރަކާތްތަކާއި އެކު ސިފައިންގެ އާއިލީ ހަވީރު ރަސްފަންނުގައި ބާއްވައިފިއެވެ. ސިފައިންގެ ހިދުމަތަށް 126 އަހަރު ފުރުން ފާހަގަކުރުމަށް ބާއްވަމުން ދާ އެކި ހަރަކާތްތަކުގެ ތެރެއިން ހުކުރު އަދި ހޮނިހިރު ދުވަހު އާއިލީ ހަވީރު ބޭއްވުމަށް ވަނީ ހަމަޖެހިފައެވެ. އެގޮތުން ހުކުރު ދުވަހު ބޭއްވި އާއިލީ ހަވީރުގައި ކުޑަކުދިންނާށް އެކަށީގެންވާ ތަފާތު އެކި ސްޓޯލްތައް ވަނީ ބެހެއްޓިފައެވެ.ސިފައިންގެ އާއިލީހަވީރު ހުޅުވުމުގެ ގޮތުން ރަސްފަންނުގައި މިއަދު ހަވީރު ބޭއްވި ޚާއްޞަ ރަސްމިއްޔާތު ޝަރަފުވެރިކޮށްދެއްވައި، އާއިލީހަވީރު ހުޅުވައިދެއްވީ ޗީފް އޮފް ޑިފެންސް ފޯސްގެ އަނބިކަނބަލުން އަދި ސިފަމާގެ ޗެއަރޕަރޝަން ޙަދީޖާ ނަޢީމްއެވެ. ޖުމްލަ 19 ސްޓޯލް އެއް ބެހެއްޓިފައިވާއިރު، މި ސްޓޯލްތަކުގައި ސިފައިންގެ އެކި ޑިޕާޓްމަންޓްތަކުގެ ހަރަކާތްތައް ދައްކުވާލާފައިވެއެވެ. އެގޮތުން އެމްއެންޑީއެފްގެ ފަޔާރ ޑިޕާޓްމަންޓްއިން ފަޔާރ ރެސްކިއުތަކައް ބޭނުންކުރާ ވަސީލަތްތަކާއި ވެހިކަލްތައް ދައްކުވާލާފައިވާއިރު، ކޯސްޓްގާޑުން ވަނީ ރަސްފަންނު ބީޗްގައި ދޯނި ދުވާލުމާއި، އެކި މަޖާ މޫދު ހަރަކާތްތައް ކުޑަކުދިންނަށް ބައިވެރިވެވޭގޮތައް އިންތިޒާމް ކޮށްފައެވެ.މީގެއިތުރުން ޑައިވް ކުރަން ބޭނުންވާ އެކި ސާމާނު ހިމަނައިގެން ތުއްތު ކުދިންނަށް ފޮޓޯ ނެގޭ ގޮތައް ވެސް ވަނީ ހަމަޖައްސާފައެވެ. މީގެއިތުރުންވެސް ސިފައިން ބޭނުން ކުރަމުން ދާ އެކި އެކި ވައްތަރުގެ ބަޑިތަކުގަ އަތްލާ، އެއާއި އެކު ފޮޓޯ ނެގުމުގެ ފުރުސަތުވެސް ވަނީ ފަހިކޮށްދީފައެވެ. މީގެއިތުރުން، ބަޑި ޖަހަން ބޭނުންވާ ފަރާތްތަކައް ބަޑި ޖެހޭނެ އިންތިޒާމްވެސް ހަމަޖައްސާފައިވެއެވެ. މި ހަރަކާތާއި ގުޅޭގޮތުން މަޢުލުމާތު ދެއްވަމުން އެމްއެންޑީއެފްގެ ކެޕްޓަން އިބްރާހިމް އާޒިމް ވިދާޅުވީ، މި އާއިލީ ހަވީރު މި އަހަރު ވަރަށް ތަފާތު ކޮށްފައިވާކަމަށެވެ. މި އާއިލީ ހަވީރަށް ދިޔަ ކުދިން ބުނި ގޮތުގައި މި ހަވީރުގައި ވަރަށް މަޖާކަންތައްތައް ކުރި ކަމަށާއި، އެގޮތުން އެކުދިން އެންމެ އުފާވީ ބަޑި ޖެހުމުގެ ސްޓޯލް އަށް ދެވުމުން ކަމަށެވެ.މި އާއިލީ ހަވީރުގައި ތަފާތު އެކި ކެރެކްޓާރ ތައް ހުރިއިރު، އެ ކެރެކްޓަރުންތަކާއި އެކު ގިނަ ކުދިން ވަނީ ފޮޓޯ ނަގާފައެވެ. މީގެއިތުރުން ސިފައިން ވަނީ އެމީހުންގެ ޑްރިލްގެ ހަރަކާތްތައްވެސް ދައްކުވާލާފައެވެ. މި ހަރަކާތުގެ ތެރެއިން ސިފައިންގެ އެކި ވެހިކަލްތަކަށް އަރައިގެން ތުއްތު ކުދިންނަށް ފޮޓޯ ނެގޭނެ ފުރުސަތުވެސް ދީފައިވެއެވެ. މީގެއިތުރުން، ވޯލް ކްލައިމްބިންއާއި ތަފާތު އެކި ސަގާފީ ހަރަކާތްތަކުގައި ބައިވެރިވެވޭނެ ފުރުސަތުވެސް އޮތެވެ. އަދި ތުއްތު ކުދިން ޝައުގުވެރިވާ ގޮތައް މަސްހިފުމުގެ ހަރަކާތްތައްވެސް ވަނީ ކުރިޔަށް ގެންގޮަސްފައެވެ. މި ހަރަކާތްތަކުގައި ބައިވެރިވި ކުދިންނަށް ތަފާތު އެކި ހަދިޔާތައްވެސް އެމްއެންޑީއެފްއިން ވަނީ ދީފައެވެ.އާއިލީހަވީރު ހުޅުވުމުގެ ރަސްމިއްޔާތުގައި، ޗީފް އޮފް ޑިފެންސް ފޯސް މޭޖަރ ޖެނެރަލް އަޙްމަދު ޝިޔާމް އާއި ވައިސް ޗީފް އޮފް ޑިފެންސް ފޯސް ބްރިގޭޑިއަރ ޖެނެރަލް އަޙްމަދު ޝާހިދު އާއި ޖެނެރަލް އޮފިސަރުންގެ އިތުރުން ގިނަ އަދަދެއްގެ ސިފައިންނާއި ސިފައިންގެ ޢާއިލާތަކުން އަދި، ގިނަ އަދަދެއްގެ އާންމު ރައްޔިތުންނާއި ކުޑަކުދިން ބައިވެރިވެފައިވެއެވެ
ލަޔާލް މަނިކް
0%
0%
0%
0%
ކޮމެންޓް ޝާއިރު ނުކުރެވުނު.
×
×
ހިޔާލު ފާޅުކުރައްވާ
އެންމެ ފަހުގެ
އެންމެ މަގްބޫލު
މާލޭގެ ރައްޔިތުންނަށް އުފާވެރި ދިރިއުޅުމެއް ހޯދައިދެއްވީ ރައީސް ޔާމީން- ފަލާހް
2 މިނެޓް ކުރިން
ތަފާތު ކުޅިވަރުގެ ހަރަކާތްތަކާއި އެކު ސިފައިންގެ އާއިލީ ހަވީރު ރަސްފަންނުގައި ބާއްވައިފި
2 މިނެޓް ކުރިން
އިސްރާއީލް ސިފައިން ބަޑިޖަހާ ފަލަސްތީނުގެ ތިން މީހުން ޝަހީދުކޮށްލައިފި
2 މިނެޓް ކުރިން
ފާއިތުވި ހަތަރުއަހަރު ދުވަހަކީ ސިޔާސީ ގޮތުން އެންމެ އުނދަގޫ ދުވަސްތައް: މިނިސްޓަރ ޒަމީރު
3 މިނެޓް ކުރިން
ރައީސް ޔާމީންގެ ތަސައްވުރާއެކު، ތޮއްޖެހިފައިވާ މާލޭގެ މައްސަލަތަކަށް ހައްލެއް!
3 މިނެޓް ކުރިން
އަނެކަކު އަނެކެއްގެ މޫނަށް މިހާރު ނޭވާލާންޖެހޭ އެއްވެސް ސަބަބެއް ނެތް
19 ގަޑި ކުރިން
އަނެކަކު އަނެކެއްގެ މޫނަށް މިހާރު ނޭވާލާންޖެހޭ އެއްވެސް ސަބަބެއް ނެތް
19 ގަޑި ކުރިން
ތަފާތު ކުޅިވަރުގެ ހަރަކާތްތަކާއި އެކު ސިފައިންގެ އާއިލީ ހަވީރު ރަސްފަންނުގައި ބާއްވައިފި
2 މިނެޓް ކުރިން
މާލޭގެ ރައްޔިތުންނަށް އުފާވެރި ދިރިއުޅުމެއް ހޯދައިދެއްވީ ރައީސް ޔާމީން- ފަލާހް
2 މިނެޓް ކުރިން
ރައީސް ޔާމީންގެ ތަސައްވުރާއެކު، ތޮއްޖެހިފައިވާ މާލޭގެ މައްސަލަތަކަށް ހައްލެއް!
3 މިނެޓް ކުރިން
އިސްރާއީލް ސިފައިން ބަޑިޖަހާ ފަލަސްތީނުގެ ތިން މީހުން ޝަހީދުކޮށްލައިފި
2 މިނެޓް ކުރިން
ފާއިތުވި ހަތަރުއަހަރު ދުވަހަކީ ސިޔާސީ ގޮތުން އެންމެ އުނދަގޫ ދުވަސްތައް: މިނިސްޓަރ ޒަމީރު
3 މިނެޓް ކުރިން