ރާއްޖޭގެ އެންމެ ބޮޑު ގޭމިން ޕްލެޓްފޯމް، ދިރާގު ގޭމާސް ގިލްޑް (ޑީޖީޖީ)ން ކުރިއަށްގެންދާ 'ރޯދަ ކުއެސްޓް' މިރޭ ފަށާނެ އެވެ.
ވީ ކިހިނެއް؟ - ދިރާގުގެ މައި އޮފީހުގައި، މިރެއިން ފެށިގެން މި މަހުގެ 8ގެ ނިޔަލަށް، ކޮންމެ ރެއެއްގެ ރޭގަނޑު 9 އިން ދަންވަރު 1އަށް ރޯދަ ކުއެސްޓް ކުރިއަށްދާނެ އެވެ.
ތަފްސީލް - ރާއްޖޭގެ ގޭމިން ކޮމިއުނިޓީއަށް ހާއްސަކޮށްގެން ބާއްވާ މި ފޯރިގަދަ ހަރަކާތުގައި މަގުބޫލު އެކި ގޭމުތައް ވަނީ ހިމަނާފަ އެވެ. މިއީ ހުރިހާ ފެންވަރެއްގެ ގޭމް ކުޅޭ ފަރާތްތަކަށް ވެސް ބައިވެރިވެވޭ ގޮތަށް ފަރުމާކޮށްފައިވާ ހަރަކާތެކެވެ. 
ރޯދަ ކުއެސްޓްގައި ބައިވެރިވުމަށް އެއްވެސް ފީއެއް ދައްކާކަށް ނުޖެހެ އެވެ. އެގޮތުން:
އެމްއެލްބީބީ، ޕަބްޖީ މޮބައިލް، އެފްސީ26 އަދި ޓެކެން 8ގެ ރަޖިސްޓްރޭޝަން މިހާރު ވަނީ ނިމިފައި 
އަންނަ ހުކުރު ދުވަހުން ފެށިގެން ކުރިއަށްދާ ޖީޓީ7 ރޭސިން ސިމިއުލޭޓަރު އަދި ބީޓް ސޭބާ ސެޝަންތަކުގައި ކުރިން ރަޖިސްޓްރީވުމަކާ ނުލާ، ޒިޔާރަތްކުރާ ހުރިހާ ފަރާތްތަކަށް ވެސް ބައިވެރިވެވޭނެ
ފާހަގަކޮށްލެވޭ - ޑީޖީޖީން އަންނަނީ ރާއްޖޭގެ އެކި ކަންކޮޅުތަކުގައި އީ-ސްޕޯޓްސް ކުރިއެރުވުމަށް ގިނަ މަސައްކަތްތަކެއްކޮށް، އަންނަން އޮތް ޖީލުތަކުގެ ގޭމިން ހުނަރުތައް އިތުރުކުރުމަށް މުހިންމު މަސައްކަތްތަކެއް ކުރަމުންނެވެ.