ސިވިލް ސަރވަންޓުންނަށް މުހިންމު އިލްތިމާސްތަކެއް ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުޙައްމަދު، ކުރައްވައިފިއެވެ. މި އިލްތިމާސްތައް ކުރެއްވީ މިއަދު ބޭއްވުނު ސިއްޙަތާ ބެހޭ ވުޒާރާގެ މުވައްޒަފުންގެ މަސައްކަތުގެ އަގުވަޒަންކުރުމުގެ ހަފްލާގައެވެ.
މެޑަމް ސާޖިދާ އެންމެ ބޮޑަށް އަލިއަޅުވާލެއްވީ ސިޔާސަތުތައް ތަންފީޒުކުރުމުގައި ފަސްނުޖެހުމުގެ މުހިންމުކަމުގެ މައްޗަށެވެ. އަދި ސިއްޙީ ދާއިރާގެ މަސައްކަތްތަކަށް އެއްބާރުލުން ދިނުމަށާއި، ދިމާވާ ދަތިތައް ކަމާބެހޭ ފަރާތްތަކާ މަޝްވަރާކޮށްގެން ހައްލުކުރުމަށް ވެސް އިލްތިމާސް ކުރެއްވިއެވެ."ސިވިލް ސަރވިސްގެ މުވައްޒަފުންނަކީ ޤައުމުގެ ތަރައްޤީގެ މަސައްކަތުގައި އެންމެ މުހިންމު ދައުރެއް އަދާކުރާ ބައެއް. ސަރުކާރުގެ ސިޔާސަތުތައް ތަންފީޒުކުރުމުގައި ފަސްނުޖެހި، ހީވާގިކަމާއެކު މަސައްކަތްކުރުމަކީ ވަރަށް މުހިންމު ކަމެއް،" މެޑަމް ސާޖިދާ ވިދާޅުވިއެވެ.މީގެ އިތުރުން، ސިއްޙީ ދާއިރާގެ މުވައްޒަފުންނަކީ ފަންނީ ޤާބިލު، އަމިއްލަ މަސައްކަތެއްގެ ގޮތުގައި ޚިދުމަތްކުރާ ބައެއްކަން ފާހަގަކުރެއްވިއެވެ. "ސިއްޙީ ދާއިރާގެ މުވައްޒަފުން ކުރައްވާ މަސައްކަތަކީ އަގުހުރި، އަދި ޤައުމަށް ނުހަނު މުހިންމު މަސައްކަތެއް. ތިޔަ ބޭފުޅުންގެ ހިތްވަރާއި ފަންނުވެރިކަމަށް އަޅުގަނޑު ވަރަށް ބޮޑަށް ޝުކުރު ދަންނަވަން،" މެޑަމް ސާޖިދާ ވިދާޅުވިއެވެ.މި ހަފްލާގައި ސިއްޙީ ދާއިރާގެ އެކި ފަންތީގެ މުވައްޒަފުން ބައިވެރިވެ ވަޑައިގެންނެވިއެވެ. އަދި މި ހަފްލާގައި ގިނަ އަދަދެއްގެ މުވައްޒަފުންނަށް އަގުވަޒަންކުރުމުގެ ގޮތުން ހަނދާނީ ލިޔުން ދެއްވިއެވެ.