މި ޕްލޭންގެ ދަށުން ރަށްރަށުގެ ކައުންސިލްތަކާއެކު މަޝްވަރާކޮށްގެން، އަތޮޅުތަކުގައި ހަރަކާތްތެރިވާ އިސްލާމީ ޚިދުމަތްދޭ މަދަނީ ޖަމްޢިއްޔާތައް ބައިވެރިކޮށްގެން ޢީދުގެ ހަރަކާތްތައް ކުރިއަށް ގެންދިއުމަށް ވަނީ ނިންމާފައެވެ.
ކޮންމެ އަހަރެއްގައިވެސް ރާއްޖޭގެ އެކި ކަންކޮޅުތަކުގައި ޢީދުގެ ހަރަކާތްތައް ކުލަގަދަކޮށް ވަރަށް ފޯރިއާއެކު ކުރިއަށްގެންދެއެވެ. އެގޮތުން މިއަހަރުވެސް އަތޮޅުތެރޭގެ ރަށްރަށުގައި ސަގާފީ ހަރަކާތްތަކާއެކު ކުލަގަދަ ގޮތެއްގައި ޢީދު ފާހަގަކޮށްފައިވާއިރު، މާލެ ސަރަހައްދުގައިވެސް ޢީދު ހަވީރުގެ ނަމުގައި ކުޑަކުދިންގެ ހަވީރެއް ވަނީ ކުރިއަށްގެންގޮސްފައެވެ.