އއ. ރަސްދޫގައި "ބުލް ވެލި ސެލޫން އެންޑް ސްޕާ"ގެ ނަމުގައި ރަޖިސްޓަރީ ނުކޮށް ހިންގަމުން ދިޔަ ތަނެއްގައި ހަށިވިއްކަމުން ދިޔަ ބިދޭސީންތަކެއް ހައްޔަރުކޮށްފި އެވެ.
މި ތަން ހިންގަމުން ގެންދިޔައީ ރަސްދޫ ސާހިލް ގޭގައެވެ.
ފުލުހުން ރޭ ކުރިއަށް ގެންދިޔަ މި އޮޕަރޭޝަންގައި ކޯޓު އަމުރެއްގެ ދަށުން ހައްޔަރުކޮށްފައިވަނީ އުމުރުން 42 އަހަރުގެ ބިދޭސީ އަންހެނަކާއި 27 އަހަރުގެ ބިދޭސީ ދެ އަންހެނުންނެވެ.
މީގެއިތުރުން މިމައްސަލައިގައި 28 އަހަރުގެ ބިދޭސީ ފިރިހެނަކުވެސް ހައްޔަރުކޮށްފައިވެ އެވެ.
"މިމައްސަލަ ފުލުހުން ދަނީ ތަހުގީގުކުރަމުން،" ފުލުހުން މީޑިއާއަށް ފޮނުވި މެސެޖެއްގައި ބުނެފައިވެ އެވެ.