ދައުލަތުގެ މާލީ ހާލަތު ދަށްވުމާ ގުޅިގެން، ޚަރަދު ކުޑަކުރުމުގެ ފިޔަވަޅެއްގެ ގޮތުން މިއަހަރުގެ މިނިވަން ދުވަހުގެ ރަސްމީ ބައްދަލުކުރެއްވުން ނުބޭއްވުމަށް ރައީސް މުހައްމަދު މުއިއްޒު ނިންމަވައިފި އެވެ. ނަމަވެސް، މިނިވަން ދުވަހުގެ ރަސްމީ ޖަލްސާ ޖުލައި 26 ވަނަ ދުވަހުގެ ހެނދުނު ޒުވާނުންގެ މަރުކަޒުގައި ބޭއްވުމަށް ވަނީ ހަމަޖެހިފަ އެވެ. މި ހަބަރުގެ އިތުރުން އިއްޔެގެ ސުރުހީތަކުން ފާހަގަކޮށްލެވޭ ބައެއް ހަބަރުތައް ތިރީގައި އެ ވަނީ އެވެ. 
ދައުލަތުގެ މާލީ ހާލަތު ހުރިގޮތުން ހަރަދު ކުޑަކުރުމުގެ ފިޔަވަޅެއްގެ ގޮތުން، މިއަހަރުގެ މިނިވަން ދުވަހުގެ ރަސްމީ ބައްދަލުކުރެއްވުން ނުބޭއްވުމަށް މުހައްމަދު މުއިއްޒު ނިންމަވައިފި. ނަމަވެސް، މިނިވަން ދުވަހުގެ ރަސްމީ ޖަލްސާ ޖުލައި 26 ވާ އާދީއްތަ ދުވަހުގެ ހެނދުނު ބޭއްވުމަށް ވަނީ ހަމަޖެހިފައި.
ކުރީގެ ރައީސް ޔާމީނަށް ހުކުމް އިއްވި ކްރިމިނަލް ކޯޓުގެ ކުރީގެ އިސްގާޒީ އަހްމަދު ޝަކީލުގެ ކޮއްކޮ، ޝުކުރުﷲ ޝަކީލަށް ހެރިޓޭޖް މިނިސްޓްރީގެ ސްޓޭޓް މިނިސްޓަރުކަން ސަރުކާރުން ވަނީ ދީފައެވެ. މީގެ އިތުރުން، ޖިނާއީ ތުހުމަތުތަކަކާ ގުޅިގެން ގައުމުން ބޭރުގައި ދެ މަސް ދުވަހު އުޅުއްވުމަށްފަހު، ރައްޔިތުންގެ މަޖިލީހުގެ ދިއްގަރު ދާއިރާގެ މެންބަރު އަހުމަދު ނާޒިމް ވަނީ އެނބުރި ރާއްޖެ ވަޑައިގެންފައެވެ.
MU STORE
MU STORE
Enterprise Development Industrial Pvt Ltd
Zetta Enterprises Pvt Ltd
Enterprise Development Industrial Pvt Ltd
ކުރީގެ ރައީސް ޔާމީނަށް ޖަލު ހުކުމް އިއްވި ކުރީގެ ގާޒީ އަހްމަދު ޝަކީލުގެ ކޮއްކޮ ޝުކުރުﷲ ޝަކީލަށް ހެރިޓޭޖް މިނިސްޓްރީގެ ސްޓޭޓް މިނިސްޓަރުކަން ދީފި. ޔާމީނަށް ހުކުމް އިއްވުމާ ގުޅިގެން ޕީޕީއެމް/ޕީއެންސީން މީގެ ކުރިން ގާޒީ ޝަކީލަށް ވަރަށް ބޮޑަށް ފާޑުކިޔާފައިވޭ.
މަޖިލީހުގެ ނައިބު ރައީސްގެ މަގާމުން ނާޒިމް ވަކިކުރީ އޭނާ ވަކި ސިޔާސީ ފިކުރަކަށް ބުރަވެ، މަސްލަހަތު ގެއްލުވާލަން މަސައްކަތް ކުރުމުން ކަމަށް ޕީއެންސީ އިން ބުނެ އެވެ.
ކުރީގެ ފިނޭންސް މިނިސްޓަރު އިބްރާހިމް އަމީރު ވަނީ މިހާރުގެ އިކޮނޮމިކް މިނިސްޓަރު މުހައްމަދު ސައީދަށް ވަރަށް ބޮޑަށް ފާޑުވިދާޅުވެފައެވެ. އަމީރު ވިދާޅުވި ގޮތުގައި މިނިސްޓަރު ސައީދު ވަނީ ރާއްޖޭގެ އިގްތިސާދު ފުނޑާލާފައެވެ. އަދި ދައުލަތުގެ ދަރަނީގެ ވާހަކަ ދެއްކުމަށް ސައީދުގެ ކުފޫ ހަމަނުވާ ކަމަށްވެސް އޭނާ ވިދާޅުވިއެވެ.
މިނިސްޓަރު ސައީދު އިގްތިސާދު ފުނޑާލާފައިވާ ކަމަށް ވިދާޅުވެ، މި ސަރުކާރަށް މާލީ ސިޔާސަތުތައް ހިންގަން ނޭނގޭ ކަމަށް ކުރީގެ ފިނޭންސް މިނިސްޓަރު އަމީރު ވަނީ ވިދާޅުވި. އަމީރު ވިދާޅުވީ ސަރުކާރުގެ ނާގާބިލުކަމުން އިންވެސްޓަރުންގެ އިތުބާރު ގެއްލިފައިވާ ކަމަށް. ނަމަވެސް ސައީދު ވަނީ ރާއްޖެ ދަރުވާލުމުގެ މޭސްތިރިއަކީ އަމީރު ކަމަށް ވިދާޅުވެފައި.
ރާއްޖެއިން ނައްތާލެވިފައިވާ ހިމަބިހި (މީސްލްސް) އަލުން ފެތުރެމުންދާއިރު، މިދިޔަ ހަފްތާގައި އެކަނިވެސް 23 ކޭސް ވަނީ ފެނިފައެވެ. މިއާއެކު މިއަހަރުގެ މިހާތަނަށް ޖުމްލަ 144 މީހަކަށް ވަނީ މި ބަލި ޖެހިފައެވެ. މީގެ އިތުރުން، އައިސީޔޫގައި ފަރުވާ ދެމުންދަނިކޮށް މަރުވި ޒުވާނަކީ ހިމަބިހި ޖެހިގެން މަރުވި މީހެއްތޯ ބެލުމަށް އެޗްޕީއޭއިން ދަނީ ރިވިއު ކުރަމުންނެވެ.
މިދިޔަ ހަފްތާގައި މާލެ ސަރަހައްދުން ހިމަބިހީގެ 23 ކޭސް ފެނި، މިއަހަރު މި ބައްޔަށް ޕޮޒިޓިވްވި މީހުންގެ ޖުމްލަ އަދަދު 144 އަށް ވަނީ އަރާފައި. މި ބަލި ފެތުރުން ކޮންޓްރޯލް ކުރުމަށް އެޗްޕީއޭއިން ވެކްސިން ކެމްޕޭނެއް ފަށާފައިވާއިރު، ބަލީގެ އަލާމާތްތައް ފެންނަ ނަމަ ސިއްހީ ފަރުވާ ހޯދުމަށާއި ރައްކާތެރިކަމުގެ ފިޔަވަޅުތައް އެޅުމަށް ވަނީ އިލްތިމާސްކޮށްފައި.
ރާއްޖޭގައި ހިމަބިހި ފެތުރެމުންދާއިރު، އެ ބަލި ޖެހުނު ޒުވާނަކު މަރުވީ ބަލީގެ ސަބަބުންތޯ ބެލުމަށް އެޗްޕީއޭއިން ދަނީ ރިވިއުއެއް ހަދަމުން ކަމަށް ބުނި. މިހާތަނަށް 144 މީހަކަށް ބަލި ޖެހިފައިވާއިރު، ރައްކާތެރިކަމުގެ ފިޔަވަޅެއްގެ ގޮތުން 7،100 އަށްވުރެ ގިނަ މީހުންނަށް ވަނީ ވެކްސިން ދީފައި.
އިންޑިއާގެ އަމްރިތާ ހޮސްޕިޓަލާއެކު ވެފައިވާ އެއްބަސްވުމުގެ މުއްދަތު ހަމަވުމާ ގުޅިގެން، އާސަންދައިގެ ދަށުން އެ ހޮސްޕިޓަލަށް ބަލިމީހުން ފޮނުވުން ވަނީ ވަގުތީ ގޮތުން މެދުކަނޑާލާފައެވެ. އާސަންދަ ކުންފުނިން ބުނި ގޮތުގައި މިހާރު ދަނީ އެ އެއްބަސްވުން މުރާޖާ ކުރުމުގެ މަސައްކަތް ކުރަމުންނެވެ.
އާސަންދަ އާއި އިންޑިއާގެ އަމްރިތާ ހޮސްޕިޓަލާ ދެމެދު ވެފައިވާ އެއްބަސްވުމުގެ މުއްދަތު ހަމަވުމާ ގުޅިގެން، އެ ހޮސްޕިޓަލަށް އާ ބަލިމީހުން ފޮނުވުން ވަނީ ވަގުތީ ގޮތުން މެދުކަނޑާލައިފަ އެވެ. ނަމަވެސް މިހާރު އެ ހޮސްޕިޓަލުން ފަރުވާ ހޯދަމުންދާ ފަރާތްތަކަށް އާސަންދައިގެ އެހީގައި ފަރުވާ ކުރިއަށް ގެންދެވޭނެ ކަމަށް އާސަންދަ ކުންފުނިން ބުނެފައިވެ އެވެ.
ބ. އޭދަފުށީ ފަޅުތެރެއިން އުމުރުން 82 އަހަރުގެ މީހަކު މަރުވެފައި އޮއްވާ ފެނިފައިވާއިރު، ވިލިމާލޭގެ ކުޑަކުދިންގެ ޕާކެއްގައި ހުރި ބިޔަ ނިކަގަހެއް ބަޔަކު ވަގަށް ކަނޑާލި މައްސަލައެއް ވެސް ވަނީ ފެންމަތިވެފައެވެ. އަދި ހުޅުމާލޭގެ ފްލެޓުތަކުގެ އިންޓަނެޓް އެއްބަސްވުމުގައި ސޮއިކުރުން އެފްޑީސީން މަޖުބޫރުކުރާ ކަމުގެ ޝަކުވާތައް ވެސް ވަނީ އިތުރުވެފައެވެ.
ބ. އޭދަފުށީ ފަޅުތެރޭގައި މަރުވެފައި އޮއްވާ އެ ރަށު ސީސަންގެ، އުމުރުން 82 އަހަރުގެ އަލީ އަބްދުﷲ މިއަދު ހެނދުނު ފެނިއްޖެއެވެ. ފުލުހުން މި މައްސަލަ ތަހުގީގު ކުރަމުންދާއިރު، މަރުވި މީހާގެ ހަށިގަނޑު އިތުރު ތަހުލީލުތަކަށް ރ. އަތޮޅަށް ފޮނުވުމުގެ މަސައްކަތް ދަނީ ކުރަމުންނެވެ.
"މި ގަސް ކެނޑީ މާލެ ސިޓީ ކައުންސިލް އަކުން ނޫން، ގަސް ކެނޑިބަޔަކު ހޯދުމުގެ މަސައްކަތް މިހާރު މިދަނީ ކުރަމުން،" ކައުންސިލުން ބުނެފައިވެ އެވެ.
އެފްޑީސީ ފްލެޓްތަކުގެ އިންޓަނެޓް އެއްބަސްވުމުގައި ސޮއިކުރުން މަޖުބޫރުކޮށްފައިވާއިރު، ގުޅީފަޅުން ދޫކުރި ގޯތިތައް މި ހަފުތާގައި ހަވާލުކޮށް ނިންމުމަށް ސަރުކާރުން ދަނީ މަސައްކަތް ކުރަމުންނެވެ. މީގެ އިތުރުން، ބޭރު ފައިސާ މާރުކުރުމުގެ ގަވާއިދުގެ ދަށުން ބޭންކުތަކަށް އެއް ބިލިއަނާ ގާތްކުރާ އަދަދަކަށް ޑޮލަރު މާރުކޮށްފައިވާއިރު، ތަކެތީގެ އަގު އެވްރެޖުކޮށް އަށް ޕަސެންޓު އުފުލިފައިވާކަން ތަފާސްހިސާބުތަކުން ދައްކައެވެ.
ޖުޑީޝަލް ސާވިސް ކޮމިޝަން (ޖޭއެސްސީ) އަށް ފެނިއްޖެ ހާލަތެއްގައި، ވަކި ސަބަބެއް ބަޔާންކުރުމެއް ނެތި ކޯޓުތަކުގެ އިސްފަނޑިޔާރުން މަގާމުން ދުރުކުރެވޭ ގޮތަށް އާ ގަވާއިދެއް ހަދައި އަމަލުކުރަން ވަނީ ފަށާފައެވެ. މި ގަވާއިދުގައި އިސްފަނޑިޔާރުން އައްޔަނުކުރުމުގެ އިޖުރާއަތްތައް ހުރި ނަމަވެސް، މަގާމުން ވަކިކުރުމުގެ ފުރިހަމަ އިހުތިޔާރު ދީފައިވަނީ ކޮމިޝަނަށެވެ.
ކުރީގެ ރައީސް ޔާމީނަށް ޖަލު ހުކުމް އިއްވި ކުރީގެ ގާޒީ އަހްމަދު ޝަކީލުގެ ކޮއްކޮ ޝުކުރުﷲ ޝަކީލަށް ހެރިޓޭޖް މިނިސްޓްރީގެ ސްޓޭޓް މިނިސްޓަރުކަން ދީފި. ޔާމީނަށް ހުކުމް އިއްވުމާ ގުޅިގެން ޕީޕީއެމް/ޕީއެންސީން މީގެ ކުރިން ގާޒީ ޝަކީލަށް ވަރަށް ބޮޑަށް ފާޑުކިޔާފައިވޭ.
މައުލޫމާތު ހޯދައި ލިބިގަތުމުގެ ގާނޫނު (އާރްޓީއައި) ރައީސް އޮފީހުން ނަހަމަ ގޮތުގައި ބޭނުންކުރާ ކަމަށް އިންފޮމޭޝަން ކޮމިޝަނަރު އަހްމަދު އާހިދު ވަނީ ވިދާޅުވެފައެވެ. އޭނާ ފާހަގަކުރެއްވި ގޮތުގައި މައުލޫމާތު ދިނުމަށް ގާނޫނުން ކަނޑައަޅާފައިވާ މުއްދަތުތަކަށް ރައީސް އޮފީހުން އިހުތިރާމެއް ނުކުރެއެވެ.
މައުލޫމާތު ހޯދައި ލިބިގަތުމުގެ ގާނޫނުގައިވާ މުއްދަތުތަކަށް ރައީސް އޮފީހުން އިހުތިރާމު ނުކުރާތީ، އެ އޮފީހުން ގާނޫނު "މިސް ޔޫޒް" ކުރާ ކަމަށް އިންފޮމޭޝަން ކޮމިޝަނަރު އަހުމަދު އާހިދު ވިދާޅުވެއްޖެ. އާހިދު ފާހަގަކުރެއްވި ގޮތުގައި ރައީސް އޮފީހަކީ މިއަހަރުގެ މިހާތަނަށް މައުލޫމާތު ނުދީގެން އެންމެ ގިނައިން ޝަކުވާ ހުށަހެޅިފައިވާ އިދާރާ.
ފީފާ ވޯލްޑް ކަޕްގައި އާޖެންޓީނާ ކުޅޭ މެޗުތަކަށް އިންގްލެންޑްގެ ރެފްރީން ނޭރުވޭނެ ގޮތަށް ފީފާއިން ވަނީ އުސޫލުތައް ކަނޑައަޅާފައެވެ. މިއީ މެޗުތަކުގެ އިންސާފުވެރިކަން ކަށަވަރުކުރުމަށާއި، ގައުމުތަކުގެ މެދުގައި އޮންނަ ތާރީޚީ އަދި ސިޔާސީ ޚިލާފުތަކުގެ އަސަރު ކުޅިވަރަށް ނުފޯރުވުމަށް އެޅި ފިޔަވަޅެކެވެ.
ފީފާގެ އުސޫލުތައް ހަމަޖެހިފައިވާ ގޮތުން، އާޖެންޓީނާ ކުޅޭ ވޯލްޑް ކަޕް މެޗުތަކުގައި އިނގިރޭސި ރެފްރީންނަށް އިންސާފެއް ނުކުރެވޭނެ. މި ނިންމުން ނިންމާފައިވަނީ 1982 ވަނަ އަހަރު ފާކްލޭންޑް ހަނގުރާމައާ ގުޅިގެން ދެ ގައުމުގެ ދެމެދުގައި އޮތް ސިޔާސީ ނުތަނަވަސްކަމަށް ރިއާޔަތްކޮށް، މެޗުތަކުގެ މިނިވަންކަން ކަށަވަރު ކުރުމަށް
އެފްއޭއެމް 19 އަހަރުން ދަށުގެ ޔޫތު ޗެމްޕިއަންޝިޕްގެ ފައިނަލްގެ ފުރަތަމަ ޖާގަ ނިއު ރޭޑިއަންޓުން ކަށަވަރުކޮށްފިއެވެ. ފައިނަލްގެ ދެވަނަ ޖާގައަށް މިހާރު ވާދަކުރަމުންދަނީ އޮޑި ސްޕޯޓްސް ކްލަބާއި މާޒިޔާއެވެ.
އެފްއޭއެމް 19 އަހަރުން ދަށުގެ ޔޫތު ޗެމްޕިއަންޝިޕްގައި ބުރު ސްޕޯޓްސް ބަލިކޮށް ނިއު ރޭޑިއަންޓުން މުބާރާތުގެ ފައިނަލުގެ ފުރަތަމަ ޖާގަ ކަށަވަރުކޮށްފި. ފައިނަލުގެ ދެވަނަ ޖާގަ ލިބޭނެ ޓީމެއް އެނގޭނީ ލީގު ބުރުގެ ފަހު މެޗުގައި މިއަދު މާޒިޔާ އާއި އޮޑި ސްޕޯޓްސް ކްލަބް ބައްދަލުކުރާ މެޗަށް ފަހުގައި.