ފެނަކަ ކޯޕަރޭޝަނުން ކަރަންޓުގެ އަގަށް ބަދަލުގެނެސް، ތިންލާރި އަގުހެޔޮކޮށްފިއެވެ.
އެ ކުންފުނިން ބުނީ އެކުންފުނީގެ ބޯޑުން މިގޮތަށް ނިންމީ ފެނަކައަށް ލިބެމުން އައި ޑީސަލް އަގުހެޔޮވުމާއި ގުޅިގެން ކަމަށެވެ.
މިފަހަރު ތިން ލާރި ހެޔޮކުރި ނަމަވެސް ތެލުގެ އަގުހެޔޮ ކުރައްވާ ކޮންމެ ފަހަރަކު ރައްޔިތުންނަށް ދެވެން އޮތް ވަރަކުން ލުއި ދެމުން އަންނަ ކަމަށްވެސް އެ ކުންފުނިން ބުންޏެވެ. އަދި ތެލުގެ އަގުހެޔޮކުރި ދުވަހުން ފެށިގެން އެ ކުންފުނިން ތައްޔާރު ކުރާ ބިލްތައްވެސް އަގުހެޔޮކުރި ރޭޓުން ހަދަމުންދާނެ ކަމަށެވެ.
ސްޓެލްކޯ އިން އެކުންފުންޏަށް ޑީސަލް ގަންނަންލިބޭ އަގު 9.18 ރުފިޔާއަށް ކުޑަވުމުން ވަނީ އެ ކުންފުނިން ވިއްކާ ކަރަންޓުގެ އަގު ހެޔޮކޮށްފައެވެ. އެހެންކަމުން ފިއުލް ސާރޗާރޖަށް ނަގާ މިންވަރުން ގާތްގަނޑަކަށް ހަތަރު ލާރި ހެޔޮވާނެ ކަމަށް ސްޓެލްކޯއިން ވަނީ ބުނެފައެވެ.