ބައެއް މީހުން ކަނޑު ބޯޓްގައެވެ. އަނެއް ބަޔަކު އޮޑިދޯނިފަހަރުގައެވެ. އަނެއް ބަޔަކު ފްލައިޓްގައެވެ. މީ އީދު ބަންދުގައި ގިނަ ބަޔަކު ދަނީ މާލޭ ދޫކޮށް އަތޮޅުތެރެއަށް ނުވަތަ ރާއްކެތެރެއަށް ދަތުރުކުރަމުންނެވެ. ނުވަތަ ފުރަން ތައްޔާރުވަނީ އެވެ. މޫސުމާއި ދޭތެރޭ އިހަށް ވިސްނާނެ ކަމެއް ނެތެވެ. މެޓް އޮފީހުން ‘ދުވަސް’ އަށް މައުލޫމާތުދެމުން މިއަދު ބުނީ ‘ ކުރިއަށް އޮތް ސައުވީސް ގަޑިއިރުތެރޭ ވެސް ރާއްޖޭގެ ހުރިހާ ހިސާބަކަށް މޫސުން ރަނގަޅުވާނެ” ކަމަށެވެ. އެހެންކަމުން މީ ދަތުރުކޮށްލަށް ސަޅި މޫސުމެކެވެ. އެހެންނަމަވެސް އީދުތެރޭ ކޮންމެވެސް ވަރަކަށް ވާރޭގެ އަސަރުކޮށްފާނެ ކަމަށް މެޓް އޮފީހުން ބުނެއެވެ.
ރާއްޖޭގެ އެކި ރަށްރަށުގައި ކުލަގަދަކޮށް އީދު ފާހަގަކުރުމުގެ ތައްޔާރީތައް ދަނީ ވަމުންނެވެ. ދިވެހި ސަގާފީ ކުޅިވަރުތަކާއި ސްޓޭޖްޝޯވްތަކާއި އެކި މުބާރަތްތައް ބޭއްވުމަށް ގިނަ ރަށްރަށުން ދަނީ ތައްޔާރުވަމުންނެވެ. މީގެ އިތުރުން ދިގު އީދުބަންދެއް ލިބޭތީ ރާއްޖޭން ބޭރަށް ވެސް ބައެއް ފަރާތްތަކުން ދެއެވެ.
ވަކިވެލުމުގެ ކުރިން ކުޑަ ނަސޭހަތެއް ދޭނަމައެވެ. ގޭގެ އެއްމެން އެއްކޮށް އީދު ބަންދަށް ދާނަމަ ހުރިހާ ދޮރެއްގައި ރަނގަޅަށް ތަޅުލާށެވެ. އަދި އާއްމުކޮށް ބޭނުންކުރާ ބޭހެއް ހުރި ނަމަ ދަތުރުގެ ދުވަސްތަކަށް ހަމައަށް ހުރިތޯ ވެސް ޗެކްކޮށްލާށެވެ. ރައްކޭވެތިބިއްޔާ ދަތުރެވެ.