ހަށިވިއްކި މައްސަލައެއްގެ ތުހުމަތަށް ދެ މީހަކު ހައްޔަރުކޮށްފި އެވެ.
ފުލުހުން ބުނީ ގދ، ތިނަދޫގައި ފައިސާއަށް ހަށިވިއްކާ ކަމަށް ލިބުނު މައުލޫމާތަކާއި ގުޅިގެން މި މަހުގެ 28 ވަނަ ދުވަހު ރޭ އޮޕަރޭޝަނެއް ހިންގާފައިވާ ކަމަށެވެ. އެ އޮޕަރޭޝަންގައި އެ ރަށުން ގެއެއް ވަނީ ބަލާ ފާސްކޮށްފަ އެވެ.
އަދި އެ މައްސަލައިގެ ތުހުމަތަށް ދެ މީހަކު ހައްޔަރު ކުރި އެވެ. އެއީ 52 އަހަރުގެ ދިވެހި ފިރިހެނަކާއި 39 އަހަރުގެ ތައިލެންޑް އަންހެނެކެވެ. ފުލުހުން ބުނި ގޮތުގައި މި ދެ މީހުން ހައްޔަރު ކޮށްފައިވަނީ ބަދުއަހްލާގީ އަމަލު ހިންގަމުން ދަނިކޮށް ކުށުގެ ވެށީން ކަމަށެވެ.
މި މައްސަލައިގައި ހައްޔަރު ކޮށްފައިވާ ދެ މީހުންގެ ބަންދާއިމެދު ގޮތް ނިންމަން ކޯޓަށް ހާޒިރުކުރުމުން ފިރިހެން މީހާ ވަނީ ކަފާލާތުގެ ދަށުން ދޫކޮށްލާފަ އެވެ. އަންހެން މީހާ ހަތަރު ދުވަހަށް ބަންދު ކުރުމަށް އަމުރު ކުރި އެވެ.
ފުލުހުން ބުނީ އެ މައްސަަލަ ތަހުގީގު ކުރަމުންދާ ކަމަށެވެ.
ތިނަދޫގައި ހަށިވިއްކި މައްސަލައެއް: ބަދުއަހްލާގީ އަމަލު ހިންގަނިކޮށް ދެ މީހަކު ހައްޔަރު
އަރުޝީފަށް ނެގީ
އެންމެފަހުން އަޕްޑޭޓްކުރީ
އެންމެފަހުން އަޕްޑޭޓްކުރީ