އެއާޕޯޓުން ފުރަން ދިޔަ ބިދޭސީއެއްގެ އަތުން ވަޒަންތަކެއް ފެނިގެން ހައްޔަރުކޮށްފި

ވެލާނާ އިންޓަނޭޝަނަލް އެއާޕޯޓް(ވީއައިއޭ)އިން ފުރަން ދިޔަ ބިދޭސީއެއްގެ އަތުން ވަޒަންތަކެއް ފެނިގެން އޭނާ ރޭ ހައްޔަރުކޮށްފި އެވެ.
ވީ ކިހިނެއް؟ - މިކަމާ ގުޅިގެން ފުލުހުން މިއަދު މެންދުރު މީޑިއާތަކަށް ފޮނުވި މެސެޖެއިގައި ބުނީ، ރޭ ވީއައިއޭއިން ފުރަން ދިޔަ ބިދޭސީއެއްގެ އަތުން ވަޒަންތަކެެއް ފެނިފައިވާ މައްސަލައެއް އެ މުއައްސަސާއިން ތަހުގީގު ކުރަމުން އަންނަ ކަމަށެވެ.
ތަފްސީލު - އެ މެސެޖްގައި އިތުރަށް ބުނީ:
މި މައްސަލައާ ގުޅިގެން ފުލުހުންގެ ބެލުމުގެ ދަށަށް ގެންދިޔަ މީހާގެ ބަންދާ މެދު ގޮތެއް ނިންމުމަށް ކޯޓަށް ގެންދިޔުމުން ހަ ދުވަހަށް ބަންދު ކުރުމަށް އަމުރުކޮށްފައިވާ ކަމަށް
އޭނާ ރާއްޖެ އައިސްފައި ވަނީ ޓޫރިސްޓު ވިސާގައި
އެމީހާ ނިސްބަތްވާ ގައުމެއް، ޖިންސް އަދި އުމުރެއް ވެސް ފުލުހުން އަދި ހާމައެއް ނުކުރެ އެވެ.
އަރުޝީފަށް ނެގީ
އެންމެފަހުން އަޕްޑޭޓްކުރީ