ރާއްޖޭގެ ގިނަބައެއްގެ މެދުގައި މަޤްބޫލުކަން ހޯދާފައިވާ ސަންސިލްކް އުފެއްދުންތައް ދައްކާލައި ތަޖުރިބާކުރުމަށް ބޭއްވި ހަރަކާތައް ގިނަ ބައެއްގެ ތަރުހިބު ލިބިއްޖެއެވެ.
މި ހަރަކާތް އިންތިޒާމުކޮށްފައިވަނީ ސަންސިލްކުގެ އުފެއްދުންތައް ރާއްޖެއެތެރެކޮށް ޑިސްޓްރިބިއުޓްކުރާ ބެސްޓް ބައި މޯލްޑިވްސްއިންނެވެ.
ހުޅުމާލެ ރުއްގަނޑު 1 ސަރަހައްދުގައި ސަންސިލް އުފެއްދުންތައް އާންމުންނަށް ދައްކާލުމަށް ހަފްތާ ބަންދުގައި ޚާއްސަ ހަރަކާތެއް ވަނީ ކުރިއަށް ގެންގޮސްފައެވެ. ސަންސިލްކް ބްރޭންޑުގެ މައި ކުންފުނި ޔުނިލީވާގެ އުފެއްދުންތައް ރާއްޖެއަށް އެތެރެކޮށް ޑިސްޓްރިބިއުޓް ކުރާ ބެސްޓް ބައި މޯލްޑިވްސްއިން މައުލޫމާތު ދިންގޮތުގައި މި ހަރަކާތަކީ ދިވެހިންގެ މެދުގައި މަޤުބޫލުކަން ހޯދާފައިވާ ސަންސިލްކްގެ އުފެއްދުންތައް އާންމުންނަށް ދައްކާލައި ތަޖުރިބާކޮށްލުމުގެ ފުރުޞަތު ދިނުމުގެ ގޮތުން ބޭއްވުނު ހަރަކާތެއް ކަމަށެވެ.
ސަންސިލްކުގެ ގިނަ އުފެއްދުންތަކެއް ތަޖުރިބާކޮށްލުމުގެ ފުރުޞަތު އާންމުންނަށް ލިބިގެން ދިޔަ މިހަރަކާތުގެ ތެރެއިން، މުޅިން ހިލޭ އެ އުފެއްދުންތައް ތަޖުރިބާކުރުމުގެ ފުރުޞަތު ފަހިކޮށްދީފައިވާކަން ބެސްޓްބައި އިން ފާހަގަކުރެއެވެ. މީގެތެރޭގައި އިސްތަށިގަނޑުގެ ދުޅަހެޔޮކަމަށް ބޭނުންވާ އުފެއްދުންތައް ހިމެނޭއިރު، މި ހަރަކާތުގައި ޕާޓްނެރެއްގެ ގޮތުގައި ޝެރީ ސެލޫނުން ވަނީ ހަރަކާތުގެ ތެރެއިން އާންމުންނަށް އެއުފެއްދުންތަކުގެ ތަފާތު ދައްކައިދީފައެވެ.
މި ހަރަކާތާ ގުޅޭ މައުލޫމާތު ޙިއްސާކުރައްވަމުން ޝެރީ ސެލޫނުން ވަނީ މި ހަރަކާތައް ގިނަ ބައެއްގެ ތަރުހީބު ލިބިގެން ދިޔަކަން ފާހަކޮށްފައެވެ. އަދި މި އުފެއްދުންތަކަކީ އެ ސެލޫންގައިވެސް ބޭނުންކުރާ އުފެއްދުންތައްކަން ވަނީ ފާހަގަކޮށްފައެވެ.
"އިސްތައްޓަށް ވަރަށް ރަނގަޅު ގިނަ ދުވަސްވީ ޕްރޫވަން އުފެއްދުންތަކެއް އެއްޗެއް. މިއީ އަނެއްކާ މާކެޓަށް ބޭނުންވާ ވަރަށް އުފެއްދުންތައް އުފައްދާ. މިހާރު އެބަހުރި ހެއަރ ޓްރީޓްމެންޓް އެއްޗެހިވެސް. ޝެމްޕޫ ކަހަލަ އެއްޗެހީގެ ބަދަލުގައި ހެއަރ ސީރަމްސް، ގިފްޓް ޕެކްސް، އެހެން ގޮސް ވަރަށް ގިނަ އުފެއްދުންތައް ސަންސިލްކްއިން ލިބެން ހުރެ. 27 އަހަރު މި އިންޑަސްޓްރީގައި މަސައްކަތް ކުރާއިރު މިއީ ވަން އޮފް ދަ ބެސްޓް" ޝެރީގެ ވެރިޔާ ޝާއިރާ ސަލީމް ވިދާޅުވިއެވެ.
ބެސްޓް ބައިގެ ފަރާތުން ބޭއްވި މިހަކަރާތުގެ ތެރެއިން އެތަނަށް ޒިޔާރަތްކުރި މީހުންގެ ތެރެއިން ގުރުއަތުން ހޮވޭ މީހުންނަށް ގިފްޓް ޕެކް އަދި ޝެރީ ސެލޫންގެ ގިފްޓް ވައުޗަރ ވަނީ ދީފައެވެ. މީގެ އިތުރުން، އިސްތަށިގަނޑުގެ ޓްރީޓްމެންޓް މި ހަރަކާތުގެ ތެރެއިން ވަނީ ހިލޭ ފޯރުކޮށްދީފައެވެ.
ސަންސިލްކްގެ އުފެއްދުންތައް ރާއްޖެއަށް އެތެރެކުރާ ބެސްޓްބައި މޯލްޑިވްސް ދިވެހިންގެ މެދުގައި މަޤްބޫލު ގިނަ ބްރޭންޑްތަކެއް ރާއްޖެ އެތެރެކުރާ ކުންފުންޏެކެވެ.