މިފްކޯއިން މަސްވެރިންނަށް ބިލިއަނަކަށްވުރެ ގިނަ ރުފިޔާ ދޫކޮށްފިއެވެ.
މިފްކޯއިން ޢާއްމުކޮށްފައިވާ ހިސާބުތަކަށް ބަލާއިރު ރައީސް ޑރ. މުޢިއްޒުގެ ސަރުކާރު ވެރިކަމާއި ހަވާލުވިފަހުން މިފްކޯއިން ވަނީ 1،070،441،242ރ މަސްވެރިންނަށް ދޫކޮށްފައެވެ.
ރައީސް ޑރ. މުޢިއްޒުގެ ސަރުކާރުން ވެރިކަމާއި ހަވާލުވިއިރު މަސްވެރިންނަށް ދޭންޖެހޭ 250 މިލިއަނެއްހައި ރުފިޔާ ނުދީހުއްޓެވެ.
ނަމަވެސް ރައީސް މުޢިއްޒު މިފްކޯގެ ހިންގުމަށް ހެޔޮ ބަދަލުތަކެއް ގެންނަވައި އެމަނިކުފާނު ވެވަޑައިގެންނެވި ވަޢުދުފުޅާއި އެއްގޮތަށް މަސްކިރާތާ 48 ގަޑިއިރުގެ ތެރޭގައި މަސްވެރިންނަށް ފައިސާ ދޫކުރަން ފަށްޓަވާފައެވެ. މަސްވެރިންނަށް 48 ގަޑިއިރުގެ ތެރޭގައި ފައިސާދޫކުރަން ފަށާފައިވަނީ މިދިޔަ އަހަރުގެ މަސްވެރިންގެ ދުވަސް، ޑިސެމްބަރ 10 ވަނަ ދުވަހުއެވެ.
މިފްކޯއިން މީޑިއާތަކާ ހިއްސާކުރި ތަފާސްހިސާބުތަކަށް ބަލާއިރު މި ހިނގާ ޖެނުއަރީމަހު ކޮންމެ ދުވަހަކު އެވަރެޖްކޮށް 68 ދޯނިން ވަނީ މިފްކޯއަށް މަސްކިރާފައެވެ.