މިދިޔަ އަހަރުގެ ޑިސެމްބަރާ އަޅާބަލާއިރު، ކުޑަކުދިންނަށް ކުރާ އަނިޔާގެ މައްސަލަތައް މިދިޔަ ޖަނަވަރީގައި ހުށަހެޅި މިންވަރު މަދުވެއްޖެއެވެ. ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީއަށް މިދިޔަ ޑިސެމްބަރުގައި ވަނީ، ކުޑަކުދިންނަށް ކުރާ އަނިޔާގެ 85 މައްސަލަ ހުށަހަޅާފައެވެ. އެ އަދަދު މިދިޔަ ޖަނަވަރީގައި ހުރީ، 64އަށް ދަށްވެފައެވެ. އެއީ، ޑިސެމްބަރު މަހަށްވުރެ، 21 މައްސަލަ ދަށް އަދަދެކެވެ. މިނިސްޓްރީން ބުނި ގޮތުގައި، ކުޑަކުދިންގެ މައްސަލަތަކުގެ ތެރެއިން އެންމެ ގިނައިން ރިޕޯޓުކޮށްފައިވަނީ އިހުމާލުވުމުގެ މައްސަލަތަކެވެ. މިގޮތުން، އެފަދަ 30 މައްސަލައެއް ހުށަހަޅާފައިވާއިރު، ޖިންސީ ހާނިއްކައިގެ 13 މައްސަލައެއް މިދިޔަ ޖަނަވަރީގައި އެ މިނިސްޓްރީއަށް ހުށަހެޅިއެވެ. https://sun.mv/217476 އޭގެއިތުރަށް، ގެވެށި އަނިޔާގެ އަމަލެއް ކުރާތަން ކުއްޖަކަށް ދެއްކުން ނުވަތަ ފެނުމުގެ އަށް މައްސަލައާއި ނަފްސާނީ ހާނިއްކައިގެ ހަތް މައްސަލައާއި ޖިސްމާނީ ހާނިއްކައިގެ 04 މައްސަލަ މިދިޔަ ޖަނަވަރީގައި ހުށަހަޅާފައިވެއެވެ. ރޭޕް ކުރުމާއި ޖިންސީ އަނިޔާއާއި ދެކޮޅަށް މާލޭގައި ކުރިއަށް ގެންދިޔަ ހިގާލުމުގެ ތެރެއިން -- ސަން ފޮޓޯ/ އަހުމަދު އަވްޝަން އިލްޔާސް އެ މިނިސްޓްރީން ބުނި ގޮތުގައި، މިދިޔަ ޖަނަވަރީގެ ނިޔަލަށް ދައުލަތުގެ ބެލުމުގެ ދަށުގައި ތިބީ 151 ކުދިންނެވެ. އެއީ، 83 ފިރިހެން ކުދިންނާއި 68 އަންހެން ކުދިންނެވެ. އެއާއެކު، މިދިޔަ ޖަނަވަރީގައި މިނިސްޓްރީއަށް ވަނީ، 2،200އަށްވުރެ ކޯލުތައް ލިބިފައެވެ. މިގޮތުން، އެ މިނިސްޓްރީގެ ޗައިލް ހެލްޕްލައިން 1412 އަށް ޖުމްލަ 1964 ކޯލު ވަނީ ލިބިފައެވެ. އޭގެ ތެރެއިން، 97 ކޯލަކީ ކުޑަކުދިންގެ ފަރާތުން ލިބިފައިވާ ކޯލުތައް ކަމަށް މިނިސްޓްރީން ވަނީ ބުނެގައެވެ. އެއްހާސް ހަ ސަތޭކައަށް ވުރެ ގިނަ ކޯލު ބޮޑެތިމީހުންގެ ފަރާތުން ލިބިފައިވާއިރު، ކާކުކަން ނޭނގޭ ގޮތަށް 216 ކޯލު މިދިޔަ ޖަނަވަރީގެ ނިޔަލަށް މިނިސްޓްރީއަށް ލިބުނެވެ.