ވާޒީފާ އެއް ނުލިބުމުން ސައި ވިއްކައިގެން އާމްދަނީ ހޯދާ ސައުދީ އަރަބިއްޔާގެ މަންމަ އަކަށް އެތަށް ބައެއްގެ ތައުރީފު ލިބިއްޖެއެވެ.
ޖުމާނާ މައްކީ ނަމަކަށް ކިޔާ މި އަންހެންމީހާ ކޮންމެ ދުވަހަކު ސައި ވިއްކަނީ މަދީނާގެ ކިންގް އަބްދުލް އަޒީޒް މަގުގައެވެ. އޭނާ އަށް އެކަމުގައި އެހީ ވަނީ އޭނާގެ އަންހެން ދަރިންނެވެ.
"އަހަރެންނަށް މި ހިޔާލު އައީ ދިރިއުޅުމުގެ ފެންވަރު އިތުރަށް ރަނގަޅު ކުރެވޭނެ ގޮތެއް ހޯދުމަށް ދަރިންނާ ވާހަކަ ދެއްކުމުން، މިހާ ތަކެތި އަގުބޮޑު ޒަމާނެއްގައި އަދި އޮފީހު ވަޒީފާއެއް ލިބެން އުނދަގޫ ދުވަސްވަރެއްގައި މިއީ ރަނގަޅު ކަމެއް ކުރަން،" ޖުމާނާ ބުންޏެވެ.
އޭނާ ބުނީ އެއްވެސް ނިންމުމެއް ޖެހިލުންކަމެއް ނެތި ނިންމުމަކީ ދިރިއުޅުމުގައި ވަރަށް މުހިންމު ކަމެއް ކަމަށެވެ.
އޭނާ ބުނީ ސައި ވިއްކަން ފެށިއިރު، އާއިލާ އާއި ރައްޓެހިންގެ ފަރާތުން ވަރަށް ފާޑުކިޔުން އަމާޒުވި ކަމަށާއި މަގުމަތީގައި މަސައްކަތް ކުރަން އެމީހުން ހިތްހަމަ ނުޖެހުނީ ކަމަށެވެ.
"އަހަރެން މިކަން ކުރަން ފަށައި ދުވަސްކޮޅެއް ވީމަ އެމީހުނަށް ވެސް ވިސްނި އެއްބާރުލުން ދިން، އަދި އަބަދުވެސް އަހަރެންގެ ކިޔަވާ އަންހެން ދަރިންގެ ފަރާތުން ވަރަށް އެހީ ލިބޭ،" ޖުމާނާ ބުންޏެވެ.
ޖުނާމާ ބުނީ އޭނާ މިކަން ކުރަނީ ވަރަށް ކުރާ ހިތުން ކަމަށާއި އޭނާ އަށް އެންމެން ވެސް ގަދަރު ކުރާ ކަމަށެވެ.