އިންޑިއާގެ ގޯއާ އިން ފުރައިގެން ރާއްޖެއަށް އައި މި އުޅަނދުގައި ޖުމްލަ 602 ފަސިންޖަރުންނާއި 459 ފަޅުވެރިން ތިއްބެވެ. މޯލްޑިވްސް އިމިގްރޭޝަނުން މައުލޫމާތު ދޭ ގޮތުގައި، މި އުޅަނދުން ދަތުރުކުރި އެންމެހާ ފަރާތްތަކުގެ އިމިގްރޭޝަން ކްލިއަރެންސްގެ ކަންކަން، ސީޕޯޓް ޑިވިޜަންގެ އޮފިސަރުން ވަނީ ކޮށްފައެވެ.
މެދުއިރުމަތީގައި މިހާރު ހިނގަމުންދާ ހަނގުރާމައިގެ ސަބަބުން ވައިގެ މަގުން ރާއްޖެއަށް އަންނަ ފަތުރުވެރިންގެ އަދަދަށް ވަނީ ކޮންމެވެސް ވަރެއްގެ ނުފޫޒެއް ފޯރައި، އަދަދުތައް މަދުވެފައެވެ. ނަމަވެސް، ފާހަގަކޮށްލެވޭ ގޮތުގައި ކަނޑުމަގުން ކްރޫޒްލައިނާތަކުގައި ރާއްޖެއަށް ޒިޔާރަތްކުރާ ފަތުރުވެރިންގެ އަދަދު މިހާރަކަށް އައިސް ވަނީ އިތުރު ވެފައެވެ.