‎‎ދިވެހިރާއްޖެއާ ތަޖިކިސްތާނާ ދެމެދު ވިސާ އެގްޒެމްޝަން އެއްބަސްވުމެއްގައި މިއަދު ސޮއިކުރައްވައިފިއެވެ.
ޚާރިޖީ ވުޒާރާއިން ބުނީ ނިއުޔޯކްގައި މިކަމުގެ އެއްބަސްވުމުގައި ދިވެހި ސަރުކާރުގެ ފަރާތުން ސޮއިކުރެއްވީ، އ.ދ. އަށް ކަނޑައަޅުއްވާފައި ހުންނަވާ ދިވެހިރާއްޖޭގެ ދާއިމީ މަންދޫބު ޑރ. އަލީ ނަސީރު މުޙަައްމަދު ކަމަށެވެ. އަދި ތަޖިކިސްތާން ސަރުކާރުގެ ފަރާތުން ސޮއިކުރެއްވި އެގައުމުން އ.ދ. އަށް ކަނޑައަޅުއްވާފައި ހުންނަވާ ދާއިމީ މަންދޫބު ހިކްމަތު ޖޮނިބެކް އިސްމޮއިލްއެވެ.
މި އެއްބަސްވުމުގައި ސޮއިކުރުމާއިއެކު، މިހާރުވެސް އަމަލުކުރަމުންދާ ޔުނިލެޓަރަލް ވިސާ-ފްރީ ރެޖީމްގެ ދަށުން ވިސާއާއި ނުލާ 30 ދުވަހުގެ މުއްދަތަށް ދެޤައުމުގެ ރައްޔިތުން އެއްގަމުން އަނެއް ގައުމަށް ދަތުރުކުރުމަށް އޮންނަ އުސޫލު ރަސްމީވެގެންދާނެ ކަމަށް ޚާރިޖީ ވުޒާރާއިން ބުނެއެެވެ.