ބައެއް މީހުން ބުނޭ މިވެނި ނަކަތެއްގައި ވާރޭ ވެހޭނެއޭ. މިފަދަ ބުނުމަކީ މީ ރަނގަޅު ބުނުމެއްތޯ؟ 
އާދެ، މިވެނި ނަކަތެއްގަ ވާރެ ވެހޭނެއޭ، އެ ތަޖުރިބާގެ މައްޗަށް ބުނާކަމަށް ވަންޏާ އެއީ މައްސަލައެއް ނޫން އެއީކީއެއް.  އެއީ ޣައިބު ދަންނަކަމަށް ދަޢުވާ ކުރުމެއް ނޫން އެއީކީ، އެއީ ދެން ތަޖުރިބާ. ﷲ ސުބުޙާނަހޫ ވަތަޢާލާ މި މޫސުންތައް، ވާރެ ވެހުމާއި، ފިނި ހޫނު މިނާއި ކަންތައްތައް މި އަހަރު ދުވަހުގެ ދުވަސްތަކަށް ބައްސަވާލައްވާފަ މި އޮންނަނީ. އެހެންވީމާ އެ ދުވަސްތަކަށް ބިނާ ކޮށްފަ، މިސާލަކަށް ހަމަ ފިނި މޫސުން އެ އަންނަ ދުވަސްވަރު އަންނާނީ ފިނި މޫސުން. ހޫނު މޫސުން އެ އަންނަ ދުވަސްވަރު ހޫނު މޫސުން އަންނާނީ.
ދެން އަޅުގަނޑުމެން ރާއްޖޭގަ އެގޮތަށް ފިނި މޫސުމާއި ހޫނު މޫސުމެއް ނެތް، ބޭރު ޤައުމުތަކުގަ މި އަންނަ ގޮތަކަށް. އަޅުގަނޑުމެންގެ މި އަންނަނީ އިރިވައި މޫސުމަކާއި ހުޅަނގު މޫސުމަކާ.  އެ ހަމަ އެންމެންނަށްވެސް އެބަ އެނގޭ. ހަމަ އެ އަހަރުގެ ދުވަސްތައް މި އިންނަނީ ބަހާލާފަ. ހަމަ އެދުވަސްތަކުގަ ހުޅަނގު މޫސުން އަންނާނެ، ހަމަ ހުޅަނގުން ވައި ޖެހޭނީ. ދެން އިރުވައި މޫސުން އަންނާނެ ހަމަ އެއިންނަ ދުވަސްވަރުގަ. ހަމަ އިރުދަށުން ވައި ޖެހޭނީ. 
ދެން ހުޅަނގު މޫސުމުގަ އެބަ ވާރޭ ވެހޭ. ވާރޭވެހޭ މޫސުމެއް އެއީ. ދެން އެމީހުން އެ އިންނަނީ އެ އަހަރުދުވަހުގެ އެ ވާރޭވެހޭ ދުވަސްތައް، އެ ދެން ކުރީ ޒަމާނުގެ މީހުން، އެމީހުން ބަލާފަ އެ ތަޖުރިބާގެ ދަށުން އެމީހުން އެ ނަކަތްތައް ހަދާފަ އެހެރީ. ދެން އެ އެއްޗެހި މިހާރު ދިމަލެއްވެސް ނުވޭ. އޭރުގަ ދެން އަޅުގަނޑުމެން ކުޑައިރުގަ ދިމާވި. އޭރު ދިމާވި ހަމަ. ވަރަށް ބޮޑަށް ދިމާވޭ ހަމަ. މިހާރަކު ނުވޭ ދިމަލެއް. މިހާރުވެސް ނަކަތްތައް ގެންގުޅޭ މީހުން، ގެންގުޅޭ މީހުން، މިވެނި ނަކަތެކޭ މީ. ދެން ހަމަ ކަލަންޑަރު ދުވަސްތައް ޖަހާގޮތަށް ޖަހައިގެން  ގެންގުޅޭ އެއްޗެއް އެ ތަޖުރިބާގެ ދަށުން ލަފާކުރާ ގޮތަށް އެ ބުނެވެނީ. އެއީ ޣައިބު އެނގުމެއް ނޫން. 'ސީދާ މިވެނި ނަކަތެއްގަ ހަމަ ޔަޤީނުންވެސް ވެހޭނެއޭ،  އެހެން ބުނެފިއްޔާ ގޯސް. އޭރަށް ގޯސް. މިހާރު ދެން އެންމެންނަށްވެސް އެނގޭނެ އެ ނަކަތްތައް ދިމާ ނުވާތީވެސް ސީދާ ޔަޤީންކަމާއެކު ނުބުނެވޭނެކަންވެސް އެނެމެންނަށްވެސް އެނގޭނެ. 
- ޝައިޚް މުޙައްމަދު އިބްރާހީމް