ބޭންކިން އާއި މާލީ ދާއިރާއިން ހުނަރުވެރި ދިވެހި ޒުވާނުން ބިނާކުރަން ބީއެމްއެލްއިން ތައާރަފް ކޮށްފައިވާ ސްކޮލަޝިޕް ފަންޑުން ފުރުސަތު ލިބުނު މީހުން މިއަދު އިއުލާންކޮށްފި އެވެ.މި ސްކޮލަޝިޕް ލިބުނީ ރީޝަމް މުހައްމަދާއި ނޫރުހާން މުހައްމަދު މޫސާ އާއި އައިޝަތު ޝަރާ ނަސީރެވެ.ބީއެމްއެލްއިން ދޭ ސްކޮލަޝިޕަށް ހޮވުނު ތިން ދަރިވަރުންނަށް، އެ ބޭންކުގެ ސީއީއޯ އަދި މެނޭޖިން ޑިރެކްޓަރު މުޙައްމަދު ޝަރީފުވަނީ މަރުހަބާ ވިދާޅުވެފައެވެ.ޝަރީފް ވިދާޅުވީ، ގައުމުގެ މުސްތަގުބަލު ބައްޓަންކުރާނެ ތައުލީމީ، ގާބިލް ޒުވާނުންނަށް އިންވެސްޓް ކުރުމަށް ބީއެމްއެލްއިން ވަރަށް ބޮޑު އިސްކަމެއްދޭ ކަމަށެވެ. އޭނާ ވިދާޅުވީ، މި ސްކޮލާޝިޕްތަކަކީ ދަރިވަރުންގެ ފަރުދީ ކުރިއެރުމަށް ލިބޭ ފުރުސަތެއްގެ އިތުރުން، ރާއްޖޭގެ ބޭންކިން އަދި ފައިނޭންސް ދާއިރާ ހަރުދަނާ ކުރުމަށް ކުރެވޭ މުހިންމު މަސައްކަތެއް ކަމަށެވެ.ބީއެމްއެލްއިން ސްކޮލަޝިޕްގެ ފުރުސަތުތައް ހުޅުވައިލީ 2022ވަނަ އަހަރުގައެވެ. މި ފުރުސަތުގެ ދަށުން މިހާތަނަށް ހޮވުނު ހަ ދަރިވަރުން، މިހާރު ވެސް އިނގިރޭސިވިލާތާއި އޮސްޓްރޭލިއާގެ އެންމެ މަތީ ފަންތީގެ ޔުނިވާސިޓީތަކުގައި ތައުލީމު ހާސިލުކުރަމުންދާ ކަމަށް އެ ބޭންކުން ބުނެއެވެ.