ހުޅުމާލޭގެ ނިރޮޅުމަގުން ދުއްވާފައި ދިޔަ ކާރެއް މަގު ހުރަސްކުރި އަންހެނެއްގެ ގައިގާ ޖެހި އެކްސިޑެންޓެއް ހިނގައިފިއެވެ.
ފުލުހުން ބުނީ މި އެކްސިޑެންޓް ރިޕޯޓްކޮށްފައި ވަނީ މިއަދު ހަވީރު 5:05 ގައި ކަމަށެވެ.
ހުޅުމާލެ ނިރޮޅުމަގުގެ ދެކުނުން އުތުރަށް ދުއްވާފައި ދިޔަ ކާރެއް ވަނީ އެ މަގުގެ ކަފިހި ހުރަސް މަތިން ހުރަސް ކުރި އަންހެނެއްގެ ގައިގާ ޖެހިފައެވެ. އަދި އެމީހާ ޑޮކްޓަރަށް ދެއްކުމަށް ހުޅުމާލެ ހޮސްޕިޓަލަށް ގެންގޮސްފައިވާ ކަަމަށް ފުލުހުން މައުލޫމާތު ދެއެވެ.
މި މައްސަލަ ދަނީ ތަހުގީގު ކުރަމުން ކަމަށް ވެސް ފުލުހުން ބުނެއެވެ.
މި އެކްސިޑެންޓް ހިނގައިގެން އުޅުނު ވަގުތުގެ ބައެއް މަންޒަރުތައް ސޯޝަލް މީޑިއާގައި ދައުރުވެފައިވާ އިރު، އެ އަނހެން މީހާ މަގު މެދުގައި ވެއްޓިފައި އޮންނަތަން ފެނެއެވެ. އަދި އެ ސަރަހއްދަށް ފުލުހުންނާއި އާންމު އެއްވެ ތިބޭ މަންޒަރު ވެސް ފެނެއެވެ.
މި އެކްސިޑެންޓަގައި އެ އަންހެން މީހާއަށް ލިބުނު އަނިޔާގެ ތަފްސީލެއް އަދި ސާފެއް ނުވެއެވެ.