މާލޭގެ ބައެއް ސަރަހައްދުތަކުން މިއަދު ކަރަންޓް ކެނޑިއްޖެއެވެ. ޗެނަލް13އަށް މައުލޫމާތު ދެއްވަމުން ސްޓެލްކޯގެ މީޑިޔާ އޮފިޝަލަކު ވިދާޅުވީ، މާލޭގެ އެކި ސަރަހައްދުތަކުން ކަރަންޓް ކެނޑުނީ މިއަދު ހެނދުނު 9:34 ހާއިރު ކަމަށެވެ. އަދި ކަރަންޓް ކެނޑުނީ ސްޓެލްކޯގެ އިންޖީނަކަށް ދިމާވި މައްސަލައަކާއި ގުޅިގެން ކަމަށްވެސް މީޑިޔާ އޮފިޝަލް ވިދާޅުވިއެވެ.އޭނާ ވިދާޅުވީ އިންޖީނަށް ދިމާވި މައްސަލަ ހައްލު ކުރުމަށްފަހު 10:24ހާއިރު، ކަަރަންޓް ކެނޑުނު ހުރިހާ ސަރަހައްދަކަށްވެސް އަލުން ކަރަންޓްގެ ހިދުމަތް ލިބެން ފަށާފައިވާ ކަމަށެވެ.މާލެއަށް ދިމާވާ ކަރަންޓްގެ މައްސަލަ ހައްލުކުރުމަށް ސްޓެލްކޯއިން އަންނަނީ 2 މަޝްރޫއެއް ހިންގަމުންނެވެ. އެއީ ހުޅުމާލެ މާލެ އިންޓަ ކަނެކްޝަން، އަދި ހުޅުމާލޭގައި ގާއިމްކުރާ 50 މެގަވޯޓްގެ ޕަވަޕްލާންޓްގެ މަޝްރޫއުއެވެ. މި މަޝްރޫއުތައް ނިމުމުން މާލެއަށް ދިމާވާ ކަރަންޓްގެ މައްސަލަ ވަރަށް ބޮޑަށް ހައްލުކުރެވިގެންދާނެ ކަމަށް ސްޓެލްކޯއިން ބުނެއެވެ.